雅虎香港新聞 Yahoo Travel HK
日本大型核電廠正式復工 京都隨時要撒離？
正當日本3.11大地震發生剛剛7周年，因為大地震引起嘅福島核洩漏仍然影嚮深遠，未有完全恢復嘅可能。正言猶在耳之際，3.11之後即時停止運作嘅日本各地核電廠，原來已經悄悄開始復工。而其中一組規模最大嘅福井縣大飯核電廠，三號機正式於3月13日恢復運作供電，呢座係福島核事故後首組發電量超過100萬瓦嘅核電組，預計核電正式復工之後，日本嘅電力問題得以紓緩，而且可以減電費。除咗呢組核電之外，九州電力公司亦計劃3月23日重啟玄海核電廠其中一組大型核電裝置。
其實早喺福井核電復工之前，已經相繼有6組較小型嘅核電裝置恢復供電，睇嚟日本政府已經重新開始投入核能發電嘅懷抱。
不過好多官員都質疑當局未有做好安全規劃，例如福井呢台核電位處京都府、滋賀縣、福井縣3地交界，都分別涵蓋於半徑30公里撒離區之內，即係話一旦有洩漏事故，連京都居民都要大量撒出，令人擔心呢！
復工嘅核電廠位於福井縣大飯郡，供電量為目前復工核電廠之冠。
除咗3號核電組之外，另一組亦計劃將於5月重啟。
福井大飯郡位於日本海旁，萬一洩漏亦肯定令海洋污染。
.
相關文章：
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
