雅虎香港新聞 日本聲優加持！京都念慈菴蜜被炒貴6倍 網民：香港定台灣品牌？
正所謂「物離鄉貴，人離鄉賤」，香港有不少本土老字號產品，去到外國一樣有價有市。好似早前日本朝日電視台節目《林修の今でしょ！講座》，邀請咗9位聲優大談工作秘辛及保養喉嚨方法，當中森久保祥太郎提到當自己聲音狀態不好時，會服用京都念慈菴枇杷膏，更表示最愛長條形的獨立包裝，工作前吃服用一包，即可舒緩喉嚨沙啞問題，而其他聲優紛紛附和吃過超有效，更被節目封為「聲優必備品」。
連聲優們都大讚，節目播出後，唔洗講日本當地就出現搶購潮，日本Amazon一樽京都念慈菴蜜煉川貝枇杷膏150毫升賣成￥2,350(約港幣$176)，但香港Watsons只係賣緊$30.9，足足炒貴近6倍，都咪話唔和味！不過炒還炒，Twitter唔少網民都好奇地問，究竟京都念慈菴係香港定台灣牌子? 事實上，香港藥房業家謝兆邦於1946年正式在香港設立「京都念慈菴總廠有限公司」，直到1961年在台灣設另一間廠，現時全球只有兩間廠房，可以話係香港之光啦！
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
