日籍老婆孭22萬H版手袋去深水埗食腸粉? 吳業坤: 其實唔洗百二蚊

吳業坤與日籍老婆深水埗食腸粉 網民認出濱口愛子手袋價值逾22萬
吳業坤與日籍老婆深水埗食腸粉 網民認出濱口愛子手袋價值逾22萬

吳業坤(坤哥)去年5月突然宣布婚訊,太太就係日本藝人浜口愛子;結婚後,浜口愛子移居香港,為咗吳業坤及更融入香港,浜口愛子積極學習粵語,又曾於社交平台表示與吳業坤同在同一個亞洲地區,但文化和環境完全唔同:「多虧了丈夫、公婆、朋友等很多人的支持和鼓勵,我才得以看到以前從未想像過的世界,接觸到不同的文化,並有許多有趣的發現。」

日前,吳業坤就帶住浜口愛子到深水埗一間著名腸粉店食腸粉。食完之後,吳業坤就拎住空碟前行,隨後嘅浜口愛子就喺到整理手袋,二人被網民大讚貼地。但有網民就認得出浜口愛子當日用嗰個手袋就係HERMÈS Mini Kelly,拍賣網站二手價逾22萬。有媒體於社交平台報導浜口愛子手袋價錢,得到吳業坤親自回覆:「其實唔洗百2蚊」,網民就笑指叫吳業坤話畀佢知喺邊度買,要搞團購咁話,有網民又問係咪A貨定係相似款。

吳業坤與日籍老婆深水埗食腸粉(網上圖片)
吳業坤與日籍老婆深水埗食腸粉(網上圖片)
吳業坤親自回覆
吳業坤親自回覆
吳業坤與老婆浜口愛子
吳業坤與老婆浜口愛子
吳業坤與老婆浜口愛子
吳業坤與老婆浜口愛子

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!