早餐健康｜營養師推介瘦食暖笠笠健康早餐配搭

williamli@esdlife.com (編輯部)

天氣開始明顯轉涼。凍冰冰，當然要食一份飽肚又暖笠笠早餐！

早餐要食得暖、食得飽，同樣可以食瘦。想每朝都有暖笠笠又健康的Good Morning，就要跟營養師學下如何選早餐配搭。

湯粉麵地雷：公仔麵

茶餐廳好好味，識食一定唔食公仔麵。因為一碗公仔麵已有400卡路里及20克脂肪，相約於每餐建議攝取的上限（400至500卡路里），絕對是高脂、高卡的地雷選擇！

配料方面，公仔麵的「最佳拍檔」午餐肉、沙爹牛肉，加工肉類製品高脂致肥，只可偶爾食一次。

健康早餐推介：瘦食湯粉麵配搭

火腿、雪菜肉絲都是輕怡的選擇，以雪菜肉絲湯米為例，熱量低相對健康，若然食完還未夠飽，可加一片無牛油多士或一隻雞蛋。

點心地雷：糯米雞、魚肉燒賣

1隻糯米雞已有645卡和27克脂肪（約5.5茶匙油），爆標！此外，6粒魚肉燒賣6粒已有300卡及9克脂肪，而且不飽肚，食完不多久又再食，變相食量加倍。

菜肉包熱量不算高，但餡料加入了大量肥豬肉來增加香滑口感，因此亦是高脂、高卡的早餐，建議每星期不要食多於２次。

健康早餐推介：瘦食點心配搭

  1. 糯米雞要與人分享

  2. 魚肉燒賣建議每次食3至4粒＋1份腸粉，增加澱粉質之餘又健康，可保持一餐在500卡內。

  3. 食腸粉記緊少醬－ 食腸粉通常會配搭麻醬，一湯匙已有95卡路里和8克脂肪（約1.5茶匙油），因此每次只可以食少於1湯匙。