星期三催至有:機械警察真係出動?2030年出現?

未來警察今天要出發!歌就聽得多,電影都睇得多,未來世界人類係咪真係會用機械人作為警察呢?畢竟機械人已經出現喺大家日常之中,更加已經有一定嘅思考能力,所以話機械警察,原來真係會出現架。

中東杜拜一向誇張,建設無奇不有,可以話係走喺世界嘅尖端;根據杜拜警察總署嘅報告,目前已經開始用電腦計算罪案,協助破案,《未來報告》一樣!而且仲估計,按照宜家慢慢引入機械警察嘅進度,去到2030年,就有25%警力係機械警察。其實大家可能會話「邊有咁勁呀!」「睇戲咩!」但其實無幾耐之前,俄羅斯政府都有類似計劃;而且仲展示一條片段,當中測試中嘅機械警察可以係遠距離用武器擊中固定目標。所以有朝一日,未來戰士可能會出現呀!

催至有:80後港女OL一名,每日返工即係扮工,熟讀辦公室生存之道,最愛煲韓劇,返工奉行三大宗旨:拖、推、卸。