星級夫婦花式示愛

昨日是情人節，不少圈中夫婦及情侶都以不同甜蜜方式示愛，有選擇過二人世界，亦有人帶同小朋友慶祝，一樣冧到爆。

攬到實登山

李嘉欣與老公許晉亨到外國滑雪過凍冰冰情人節，並於社交平台大晒靚相，許晉亨在登山纜車攬到老婆實一實，睇嘉欣的笑容就知有幾冧。

荷蘭式放閃

鄭嘉穎與陳凱琳「升級」一家五口後愈見恩愛，情人節是兒子Rafael的生日，舉家到戶外慶生。兩人2015年曾被爆於荷蘭拍劇集《殭》時「調情」，陳凱琳昨日大晒以風車作背景的合照：「唔使飛到荷蘭都搵到我哋嘅！」

日日都咁襯

張繼聰向來貪靚，情人節搵埋老婆謝安琪齊齊玩Mix&Match，分享多款情侶裝照片到社交平台，實行一星期冧足7日！網民讚他們有心思，被他們閃爆呢！

相愛16年

楊洛婷與老公Tim度過第16個情人節，撐枱腳吃情人節大餐，她於社交平台大晒咀嘴照外，穿低胸花花裙的她酥胸半露，更晒出夫婦情侶T字手鐲禮物，相當甜蜜。