晚晚懷舊金曲夜 《老表》懷舊歌逐首睇

今日聽到公司個茶水姐姐話：『嘩!有無睇《老表，你好Hea！》呀？好好睇呀！好似睇緊《歡樂今宵》咁呀！』我諗諗下，又係喎。EYT最出名就係扮鬼扮馬。前排萬綺雯嘅角色就俾人話佢其實係扮緊愛字頭嘅淨心BB，搞到佢好不滿。佢都唔明萬綺雯有幾Pro，人哋特登增肥5磅做呢個角色架！仲有就係郭晉安飾演嘅林在野亦俾人話佢係扮緊長毛。

《歡樂今宵》另一個賣點就係鍾意玩懷舊，《老表》都採用咗好多懷舊歌。近排hit爆嘅就有蔣志光重唱張學友嘅《愛是永恆》，令好多觀眾同網友都拍案叫絕

。 (LINK)

《舊朋友》就係林雪（王菀之飾演）同埋伊健（陳永業飾演）參加歌唱比賽嘅參賽歌。曲詞都由蔣志光一手包辦，原唱嘅仲有張智霖、許秋怡、韋綺珊。(歌詞)

 而另外由何雁詩重唱亞視電視劇《我和殭屍有個約會》主題曲《假如真的再有約會》亦令好多人嚇咗一跳，被喻

為係無綫嘅一大突破。

小寶唱咗

周慧敏嘅《痴心換情深》，呢首歌都有廿年歷史……(歌詞)

張繼聰同李亞男就唱咗周慧敏同林隆璇嘅《流言》(歌詞)，當年唱

K好多人揀架。

啲歌太舊，你唔識，唔緊要。

話晒王菀之都係當紅歌星，當然都要唱吓佢啲歌啦。佢自己就唱番佢

首飲歌《哥歌》(試聽)，同埋連容祖兒都估唔到會拎金曲金獎嘅《留白》。

圖片：劇集截圖