雅虎香港新聞 
暖宮養卵 舒淇 求神催孕
閃婚一年， 舒淇 同馮德倫呢一對雖然聚少，不過感情如昔，而41歲 舒淇 更加因為年紀唔細恨B恨到發燒！繼早前戒煙戒酒調理身子，再減埋產做跟得夫人爭取相聚機會後，近日行動升級，右手手腕常戴同心結、隨身隨車掛滿日式御守祀求夫妻和睦早日成孕。事業有成、又終於覓得如意郎君，下一步，冇嘢重要得過做媽媽！
延伸閱讀：
暖宮養卵 舒淇 求神催孕
相識廿年、拍拖4年，去年9月馮德倫身在捷克導演電影《俠盜聯盟》時，正式與電影女主角 舒淇 在當地成婚。二人結婚一週年紀念亦都就快到，早前兩公婆合體出席電影香港區首映，甜蜜蜜黐到實，就算同場有養傷後首次復工公開露面的劉德華，一樣搶晒鏡。
齊心結保夫妻和合
留意番，單身時會帶水晶催旺人緣及愛情、同馮德倫蜜運時則齊齊帶上情侶姻緣紅繩，一向迷信的 舒淇 當日又見新法寶，左手繫上黑色同心結，顧名思義，想快啲做潮媽，當然係求咗夫妻和諧先有得合體做人！
爭取見面合體造人
上畫一周內地票房已經破兩億，兩公婆亦都終於可以放慢宣傳腳步，抖番啖氣拍下拖。一個星期之內， 舒淇 和馮德倫就先在香港一齊約埋老友伊健飯聚，又再被發現去咗台北享受二人世界，果然糖黐豆不放過任何合體機會。
契仔契女一大籮
據知 舒淇 同馮德倫婚後有不設防協議，奈何婚後大半年馮德倫都忙於《俠盜聯盟》最後拍攝同後期工作，二人相處時間有限，生仔大計亦都因此遲遲未見有聲色。據悉舒淇近年戒煙戒酒，又契晒身邊閨密同朋友啲BB，舊年趕住結婚唔多唔少都係因為滿四十歲心急生B，所以呢一年幾乎推晒所有戲，除了為養好身體，就係為咗全力配合馮德倫時間，唔想錯過見面同造人機會。
除咗左手手腕齊心結，馮德倫愛車計落倒後鏡、波棍同電話繩，兩公婆加加埋埋隨身御守起碼五個，保平安之綠色、保心想事成之金色、保姻緣之紅色及求長勝之黑色一應俱全，另外還在倒後鏡上繫上象徵愛神的紅色箭，認真多嘢求，亦都一樣夠神心，難怪有共同語言夠晒夾！
滿天神佛
除咗愛情至上、用情專一外，女神 舒淇 最出名特質仲有迷信，自入行後已經會聯同林建岳、任賢齊等圈中人齊齊赴泰拜白龍王，白龍王身故後依然不減虔誠。去年九月閃婚時，兩公婆手上帶有情侶紅繩，疑為台北龍山寺拜完月老求得。另外日式御守、和各式和樣水晶常備左右，但求幫到事業和愛情。除戴手繩保祐早日成孕， 舒淇 亦積極調理身體為懷孕作準備，今年初便飛去日本度假，浸埋改善女性宮寒的溫泉。
全文完
延伸閱讀：
