曾偉權不敵肺癌逝世 終年58歲

·1 分鐘文章
梅小惠舊愛 曾偉權傳患癌命危入院
梅小惠舊愛 曾偉權傳患癌命危入院

入行38年嘅資深電視男藝員曾偉權逝世,終年58歲。日前已有傳媒報導,罹患病情轉差而送院,星期二傳出病危消息。

曾與曾偉權拍拖13年嘅前女友梅小惠,接受傳媒訪問時表示,由家姐梅小青口中得知舊愛死訊,感到惋惜之餘亦為希望曾偉權家人保重。至於曾經一齊拍劇嘅前亞視藝人文雪兒,就喺facebook出post悼念舊友。

曾偉權不敵肺癌逝世 終年58歲
曾偉權不敵肺癌逝世 終年58歲
曾偉權不敵肺癌逝世 終年58歲
曾偉權不敵肺癌逝世 終年58歲

59歲嘅曾偉權舊年年尾為有份參演嘅劇集《牛下女高音》做宣傳時,已被傳媒發現消瘦好多,當時權哥解釋係肺部免疫系統出現問題,需要減少工作休養。後來劇集嘅慶功宴以及喺馬來西亞舉行嘅活動都見唔到曾偉權現身,今年2月傳出權哥懷疑患肺癌嘅消息,近年同佢關係密切嘅契妹SaSa冇正面回應。

曾偉權1981年入讀亞視前身麗的嘅藝員訓練班而入行,畢業2年已經成為劇集男主角,到1990年跳槽無線,但發展平平。2012年轉投香港電視,2015年重返TVB,正在播出嘅《使徒行者3》權哥亦有份參演。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能