曾志偉封口避談電視大戰升溫 陳瀅自揭與張繼聰秘密關係

■志偉與黃百鳴在首映禮上台致辭。
■志偉與黃百鳴在首映禮上台致辭。
■志偉感激10家電影公司的支持,令《總是有愛在隔離》順利開拍幫助業界。
■志偉感激10家電影公司的支持,令《總是有愛在隔離》順利開拍幫助業界。
■蘇麗珊被男友投訴控制意欲很強。
■蘇麗珊被男友投訴控制意欲很強。
■張智霖與張繼聰戲中不乏曖昧戲。
■張智霖與張繼聰戲中不乏曖昧戲。
■陳瀅要為古裝劇勁減十磅。
■陳瀅要為古裝劇勁減十磅。
■陳家樂向連詩雅大派定心丸。
■陳家樂向連詩雅大派定心丸。

【星島日報報道】抗疫電影《總是有愛在隔離》前晚舉行首映禮,曾志偉、張達明、張智霖、張繼聰、陳家樂、方力申、蘇麗珊、陳瀅以及眾無綫藝人出席支持。電影推手曾志偉及黃百鳴上台致詞,志偉再次感激10家電影公司合資、演員們的義演,好讓《總》片順利開拍幫助業界。此外,電視大戰持續升溫,話題不斷,無綫副總經理曾志偉預先通知傳媒,不接受訪問。文:駱震寧 圖:譚志光

陳瀅透露早前從溫哥華回港首個工作就是參演《總》片,她在戲中飾演酒店員工,會跟張智霖及張繼聰有對手戲,她又提到繼劇集《四個女仔三個BAR》後,相隔6年再跟張繼聰合作。她笑笑說:「阿聰係我偶像,我有重大嘅公事同私事都會打俾佢傾,佢會俾好多好好嘅意見,我亦都會聽。」她透露下星期正式開拍由王祖藍統籌的無綫古裝劇《痞子殿下》。她透露日前試造型,由於角色是女鏢師,服飾足足有10層,除了熱之外還看起來很臃腫。她笑說:「導演要我再減10磅,10日內減10磅,但我1日已經減到1.5磅。要控制飲食得好緊要,只可以食蔬菜。」

張智霖見B女肉緊

張智霖(Chilam)透露自己抱恙出席,他說:「呢幾日鎖骨發炎,隻手舉起都痛,我仲諗緊係咪50肩。但呢部電影太有意義,所以點都要出席,希望將正面嘅訊息帶俾更多人。」提到戲中跟谷祖琳的女兒有對手戲,Chilam承認見到BB 女會特別肉緊。問到可會追個女兒?他笑笑說:「都冇乜可能啦,始終生兒育女都要同時間競賽。」

女主角蘇麗珊戲中跟陸永飾演未婚夫妻,她的角色有點控制狂。問到現實生活中又如何?她笑說:「我唔覺得自己有,但係男友就話我係,其實拍拖都係雙向 。」蘇麗珊又爆男友有很多女性朋友,自認會呷醋;不過男友都相當識做,已介紹多位女性朋友給她認識,成為共同朋友。

陳家樂否認戀黃嘉雯

另外,日前有報道指陳家樂秘戀港姐冠軍黃嘉雯。陳家樂笑說:「件事好無聊,明眼人一睇就知係假。其實之前有一個人用假帳號喺社交網留言攻擊我,我無理到,然後佢又向我啲粉絲埋手。我唔想回應太多,係唔想俾機會佢。」問到是否為連詩雅派「定心丸」?他說:「我工作同感情生活一向都好穩定。」

■志偉與黃百鳴在首映禮上台致辭。

■志偉感激10家電影公司的支持,令《總是有愛在隔離》順利開拍幫助業界。

■陳家樂向連詩雅大派定心丸。

■蘇麗珊被男友投訴控制意欲很強。

■張智霖與張繼聰戲中不乏曖昧戲。

■陳瀅要為古裝劇勁減十磅。

娛樂

睇更多