曾志偉強勢回歸 傳余黨《#後生仔傾吓偈》將被清算

·2 分鐘文章

無綫高層大執位,除咗影響節目製作外,有傳曾志偉將清算一班余黨同星夢歌手。早前一度傳出腰斬《聲夢傳奇》,節目最終獲放生並改期至四月舉行,不過一班星夢歌手菊梓喬、周柏豪、吳若希、谷婭溦、JW等,有指因何哲圖敗走,曾志偉同三大唱片公司破冰而失勢。而第二波清算傳聞係一班《#後生仔傾吓偈》嘅年輕主持,當年余詠珊想開拓年輕路線,所以搞《後生仔》,但而家余詠珊失勢,節目冇咗大靠山,唔知仲可唔可以做落去呢?

《後生仔傾吓偈》由17年開始播放, 由一班主持人探討年輕人世界嘅清淡式節目,由余詠珊愛將陸浩明、馮盈盈、林穎彤、戴祖儀、黃美棋、鄭衍峰及一班年輕KOL擔任主持,上年8月一班主持慶祝播出六百集。呢幾年因余黨得勢,一班主持獲得好多工作機會,例如黃凱儀(波波)可以參與無綫大騷及綜藝節目,最近仲有機會同劉穎鏇和丁子朗拍《青春不要臉》、游嘉欣(Kayan)上年拍人氣劇《香港愛情故事》飾演羅天宇細妹,令佢成功入屋,之後更參演《刑偵日記》及《青春不要臉》丶孔德賢(Danny)剛拍完《兒科醫生》和《把關者們》丶林正峰主持《安樂蝸》、《香港原味道》及拍攝劇集《香港愛情故事》及《兒科醫生》。

除咗佢哋之外,其他後生仔仲有杜穎珊、王虹茵、徐文浩、陳欣茵、劉頌鵬、馬景華、呂靜文、黃芷欣及曾展望。

《後生仔》主持
《後生仔》主持
《後生仔》主持
《後生仔》主持

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!