曾戀年長23歲名媛趙金卿 前亞視男一甄志強否認食軟飯︰亞視份糧都交20萬稅

曾為亞視打造《再見艷陽天》等劇集嘅著名製作人楊紹鴻，最近開咗個youtube channel，訪問唔少當年亞視嘅戰友。最新一集楊紹鴻搵到當年亞視男一級人馬甄志強（小強）做嘉賓。

亞視喺90年代曾經有力同TVB一拚，做過Model外型高大嘅甄志強人氣絕不輸俾大台小生，主演過唔少劇集，包括《碧血青天楊家將》飾演展昭，甚至被封係「最型展昭」。甄志強喺節目中被提到當年嘅緋聞，殊不知甄志強好大方咁話「我拍拖有咩問題呢？」。90年代末，小強同年長23年嘅名媛趙金卿有過嘅一段情，由於地位年齡有差距，當時小強被指食軟飯。甄志強承認當時因此好唔開心，更直言當時收入唔差。「唔怕講，我喺亞視嘅人工都唔算弱囉，當年交嘅稅項都接近20萬，淨係亞視份糧，都未計其他。」

女友係名媛，生活圈子一定會有唔少商界人物，交際應酬好平常，不過小強本來都唔想現身。甄志強憶述有一次被女友激嬲，令佢竟然一鼓作氣決定同女友去社交場合，因此令戀情曝光，報導亦不脛而走。後來甄志強同趙金卿嘅戀情無疾而終，因為壓力太大，但就喺年青時得到過轟烈嘅愛情。

Source From: 泰友情緣的歲月

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！