世界最特別嘅市場 索馬里銀紙市場

講起索馬里，大家嘅印象都應該不外乎幾個，第一個係「窮」，第二就係「海盜」，其實索馬里又真係非洲數一數二嘅窮國，人民收入極低，而且當地仲有一個非常奇怪嘅生財方法，就係「賣銀紙」。即係點？好複雜哩！原來因為索馬里嘅貨幣「索馬里先令」價值非常低（1美金可換7千先令），而且不被人民所信任，所以極唔值錢；不過你可能會話好多國家都係咁架啦，無錯，不過索馬里有一樣嘢唔同，就係貨幣係可以合法買賣，即係話人民可以自由定價出售貨幣，所以索馬里呢度就有一個好奇怪嘅市集，就係專門販賣索馬里先令市場，小販們大批大批銀紙，用麻繩一疊一疊咁扎住，放喺地上。嚟幫襯嘅除咗鄰近以匯率買賣外幣賺錢嘅商人之外，亦有一大部分係遊客！大家去到當地，會發現市集係露天不特止，而且全場無任何保安措拖，無夾萬，無持槍守衛，甚至連小販們都不過坐喺度傾計，毫不擔心有人會偷會搶，可以話蔚為奇觀呢！

索馬里係少數貨幣可以自由買賣嘅地方。

大扎大扎貨幣放喺地面，毫無安全措施。

市場都已經成為遊人景點。

相關文章：

乘客唔易做？ 5招教你成為好助駕

為博like可以去到幾盡？女子大橋上自拍險死！

感情��紅燈 兩口子去旅行有助修補？

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！