最好同日結婚開騷 用盡陳家樂 連詩雅被陳煒搓肚「孕」人懷疑

連詩雅(左)被陳煒搓肚仔惹來有孕疑雲,急急澄清。
連詩雅(左)被陳煒搓肚仔惹來有孕疑雲,急急澄清。

連詩雅被陳煒摸肚被誤會有喜,與陳家樂還未舉行婚禮的她,似乎對事業更着緊,師傅指她明年有機衝出香港開演唱會,她笑言望與婚禮同日舉行,可搵埋家樂做嘉賓。

藝人陳煒、連詩雅(Shiga)前晚為無綫節目《新春開運王》擔任嘉賓,合照時陳煒用手搓住準人妻Shiga的肚子,令大家以為Shiga有喜訊公布,不過Shiga即連聲否認,陳煒笑說:「要有喜好簡單,師傅叫佢唔好叫屋企啲貓貓、狗狗做仔女,改一改叫番名,留番啲Quota畀自己,咁就好快有機會。」

自爆隔幾日先洗碗

Shiga指師傅提醒原來廚房對打理的女主人很重要,甚至會影響財運,廚房一定要有米缸,她說:「我仲好多時唔係即刻洗碗,有時隔幾日先洗,以後會注意。」問到師傅可有贈言造人時機?她說:「咁又冇問,反而有問師傅幾時可以開演唱會,師傅話出年有機會衝出香港,如果可以喺外地開演唱會都唔錯呀!」問到會先選擇結婚還是開演唱會?Shiga笑說:「開演唱會先,或者可以同一日舉行,家樂仲可以做埋嘉賓添!哈哈。」

陳煒則獲師傅贈言來年驛馬星動,有機會衝出香港兼名氣上升。問到可捨得離開老公,她笑說:「咁衝少少囉!都可以一齊去嘅!」

陳煒與連詩雅為《新春開運王》擔任嘉賓。
陳煒與連詩雅為《新春開運王》擔任嘉賓。