晚市堂食恢復！最新酒店自助晚餐一覽 低至78折、龍蝦/海膽主題

即將恢復晚市堂食到夜晚10點，各位自助餐迷係咪已經準備緊，要Book定各大酒店嘅自助晚餐呢？開飯仔今次精選5間唔同主題嘅自助晚餐，用OpenRice訂座或者優惠券更有折扣優惠！同時記得留意防疫措施，享受美食亦要注重衛生同社交距離啊。

【78折】春日粉紅櫻花 花月庭

雖然今年都係飛唔到去外地賞櫻，但可以「嚐」櫻！旺角呢間酒店推出以粉紅櫻花為主題嘅自助晚餐，惠顧星期一至四全時段自助晚餐，每人更可額外獲贈梅酒鹽漬櫻花鮑魚。其他櫻花美食推介重有蟹籽蟹柳肉箱柙櫻花壽司、鹽漬櫻花燒鯖魚、櫻花梅子冷麵、櫻花忌廉泡芙等。桵の美味 • 盛宴綻放自助晚餐

供應日期：2021年4月21日至6月30日

供應時間：（全時段）18:00-22:00/（第一時段）17:45-19:45 /（第二時段）20:00-22:00

價錢：餐廳網站

訂座優惠：第一時段自助晚餐淨價HK$468 (星期一至四)

【8折】龍蝦滋味「蟹」逅 Alva House

沙田呢間人氣酒店餐廳就推出以龍蝦同螃蟹入饌嘅自助晚餐，多款鮮味美食從港式避風塘炒蟹、芝士焗釀蟹蓋、法式龍蝦湯、龍蝦火炙芝士牛油果卷、蟹肉芒果牛油果沙律，到龍蝦薄餅都一應俱全。甜點更別具創意，推出蟹黃芝士撻同冬蔭功焦糖燉蛋啊！龍蝦．「蟹」逅嚐鮮自助晚餐

供應日期：2021年4月21日至6月30日

供應時間：18:00-21:30

價錢：（星期一至四）成人 $688，小童 $438；（星期五至日、公眾假期及前夕）成人 $788，小童 $458

優惠券：Alva House自助午餐及晚餐、週末自助早午餐優惠 8折優惠

【85折】環球美食主題 8度餐廳

自助餐其中一個精髓就係可以試勻各地美食，呢間鄰近港鐵宋皇臺站嘅酒店餐廳就推出「環球聚會」主題嘅自助晚餐，回本必食每日兩款空運到港嘅法國、美國或愛爾蘭即開生蠔，同鱈場蟹腳、紐西蘭青口等海鮮。精選推介亦包括滋補蟲草花燉老雞湯同燕窩蛋白梳乎厘。環球聚會自助晚餐

供應日期：2021年4月21日至6月30日（5月7日至8日除外）

供應時間：18:00-21:00

價錢：（星期一至四）成人 $568，長者$478，小童 $408；（星期五至日、公眾假期及前夕）成人 $598，長者$528，小童 $458

優惠券：自助晚餐高達85折優惠、假日自助午餐85折或下午茶套餐高達65折

【免加一】螃蟹花膠美饌 灣景廳

蟹迷絕對唔好錯過呢間酒店推出嘅「蟹．花膠」自助晚餐，供應一系列採用日本、泰國、越南嘅螃蟹同挪威花膠炮製嘅美食！好似星洲橋底炒蟹、花膠瑤柱海鮮羹、花膠蟹肉扒菜苗、雪花蟹鉗中東米沙律等等。每晚7:30起鐵板爐區重有多款肉扒供應啊。「蟹．花膠」自助晚餐

供應日期：2021年4月21日起

供應時間：18:30-21:30

價錢：（星期一至四）成人 $468，長者$448，小童 $428；（星期五至日、公眾假期及前夕）成人 $498，長者$478，小童 $458

優惠券：灣景廳「蟹．花膠」自助晚餐成人低至$468 (免加一)

【生日優惠】海膽鮑魚佳餚 城景閣

唔少香港人都係海膽控，油麻地呢間酒店餐廳就以韓國海膽加上鮑魚，獻上全新海膽鮑魚主題嘅自助晚餐，每位更可享一客海膽焗釀北海道鮑魚！其他海膽、鮑魚美食包括海膽蟹子焗大蝦、東洋迷你鮑魚芝士撻、酥炸法式田螺海膽芝士雲吞。記得留肚食埋蜂蜜主題甜品呀。海膽‧鮑魚‧海鮮自助晚餐

供應日期：2021年4月21日至5月31日

供應時間：18:30-21:30

價錢：（星期一至四）成人 $478，長者$458，小童 $348；（星期五至日、公眾假期）成人 $498，長者$478，小童 $348

生日優惠：客人可於生日正日以及前後三天尊享生日蛋糕半磅。生日優惠須入座前2天預訂，生日客人須出示身份證明文件

文: Cathy.H