雅虎香港新聞 最貴旅遊城市 紐約平玩攻略
紐約前排喺一項調查入面，被評為世界最昂貴旅遊城市第二位，淨係住酒店，平均都要$2,241英鎊(約$24,659港幣)。咁乸脷點去呀？旅遊網站TripAdvisor發現，好鍾意旅行嘅英國人去紐約，就算旺季，旅行三晚都唔使$11,000港幣，究竟點樣可以做到？
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
機票應該係最貴嘅部份，TripAdvisor就教路，如果可以買平日嘅機票比較平，唔使行李托運同飛機餐，搭廉航更抵。至於酒店方面，都有性價比超高嘅選擇，例如︰聖尼古拉斯酒店(Saint Nicholas Inn)，一晚最平$92英鎊(約$1,012港幣)，呢間酒店喺網站長期都獲得四粒半嘅星星好評。飲食都有好介紹，紐約有好多街頭美食車，食得地道又抵食，而由家庭經營嘅Joe’s Pizza喺票選紐約最佳嘅pizza。
網站亦都推薦一啲免費又值得去嘅地方，例如中央公園，除咗可以享受大都會嘅綠色悠閒，亦可以去德拉科特劇院(Delacorte Theatre)睇免費嘅演出。當地博物館少有免費參觀，但喺第五街嘅大都會藝術館(Metropolitan Museum of Art)係免費的，咁就可以慳返好多盤串啦！
家庭經營嘅Joe’s Pizza創自1975年，主理正宗那不勒斯Pizza。
相片來源︰newyorkcityfeelings @tumblr
中央公園位於紐約市曼哈頓中心，被列為全球四大開放式城市公園，與倫敦Hyde Park齊名。
相片來源︰lilygogh @tumblr
位於第五街嘅大都會藝術館(Metropolitan Museum of Art)入面有世界五千年來嘅藝術品，好多都係世界知名，包括︰畢加索同安迪沃苛。
更多相關文章
