印度神童預言未來3月全球都危險？同你一齊拆解

術數、風水同預言會影響市場行為已是不爭事實，人類力量太渺小，神秘力量宏大，是但一門學問，都已經夠鑽研到廢寢忘餐。

如果大家有留意，尋日開始有報道指印度神童預言「6度成真」。

之前印度神童阿南德（Abhigya Anand）一早預言明年4月全球大崩潰，近日又有報道指預言「未來3月全球都危險」。其實如果明年世界崩潰，今日花時間投資賺利率，會唔會係浪費時間？只不過透過對照神童的預測思路，其實唔使太灰心，可見神童間中都會有反向操作。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示。

「貼中」河南暴雨、阿富汗淪陷

神童預言，2021年7月21日開始木星逆行，8、9月木星持續逆行在魔羯座，恐對世界非常不利。換言之，即係7至9月都不利，所以河南暴雨、阿富汗淪陷，都給他「貼中」。

2021年8至11月，全部國家皆會爆發第三波疫情，9月到11月會更加糟糕，而「12月21日」進入冬天以後，疫情將會更加惡化。換言之，其實差唔多半年都「惡化」。

2021年11月21日，木星離開魔羯座，前往水瓶座，開始會有更好的生活品質，另外又預測2021下半年經濟會有復甦。「復甦」之說對照其「不利」言論，廣泛來說，即係世界經濟同疫情下半年有好嘢，又會有唔好嘢。

2021年6月20日後歐洲、印度、美國、日本都將「發生大事」，地點原來橫跨世界其中四大洲，不過「發生大事」屬於中性。

預言地點橫跨世界四大洲

印度神童最重要的預言是，明年4月由於火星與土星相合，有可能再有危險的事情發生，世界發生「大重整」云云，不過距今尚有時間，難保預言會否調整，人類改變了命運。

神童好可能會在今年內反向操作，預言明年某月份，世界又會有好轉，而且記得神童講過，「中國在資料保護方面非常強大」，所以連佢都唔知道，中國疫情是否百分百確定安全。

一理通，百理明，印度神童縱然擁有通天神力，都未必預測到中國行動，而今天的中國舉足輕重，所以當讀到印度神童預言經濟，可能真係笑笑就算了，或者說印度神童都係人類，對未來預測總有「認知的界限」(limits of self-knowledge)？