雅虎香港新聞 【本地好去處】鴨脷洲一日遊行程推介 住家艇畫水墨畫+全新木系酒店+街市掃街
自從南港島綫，鴨脷洲發展相當蓬勃，大大小小的文青Cafe、酒店也相繼進駐，不少港人放假都會專登到鴨脷洲閒逛一番。今次介紹的鴨脷洲一日遊，既會到25層樓高的Outlet購物，亦會到今年翻新完畢的西邨街市掃小食，更會走到住家艇上畫水墨畫；如果翌日唔洗返工，更加入住剛於9月開業的木系簡約酒店，好好玩足一日一夜！
01: 25層高Outlet 任逛近100間店舖
從海怡半島站出發，步行十分鐘即到達第一站Horizon Plaza。呢個Outlet樓高由工業大廈活化而成，面積足有五十萬呎，樓高25層，內有近100間店舖，主要賣傢俱同名牌服裝，想買包包的話有Loewe、Chloé、Salvatore Ferragamo等；揀傢俱的話有Ovo Studio、COMMON ROOM等；至於文青可逛逛D-mop、I.T、Marc Jacobs等，足夠大家逛足大半日。
網址: 按這裡
02: 掃街之選 西邨街市小食街
購物完緊係要搵個地方醫肚，鴨脷洲嘅西邨街市經過6個月活化後，變成富漁市場風格的新式街市，除有蔬菜檔、肉檔、海鮮檔外，設有小食街及堂食座位，比大家掃街食餐飽。
小食街約有十間小食和熟食餐廳，包括越南菜越大哥、泰國菜大廚師、台式飲品店茶星人E. Tea、熱狗店ZEPPELIN，還有祥興記上海生煎包，以及豪大大雞排等，最正係營業到凌晨12點，下午茶到宵夜都有得食。
西邨街市
網址: 按這裡
03: 免費參加 住家艇上畫水墨畫
來到鴨脷洲呢個漁港，不如試試水上畫水墨。今個星期日(10月18日)「自遊人」團隊將舉行「水墨．水上」工作坊，參加者會乘坐「浪遊漁港1773」文化遊舢舨到達前漁民水上居所「香港仔住家艇」，認識老香港的發展歷史，並在住家艇上進行水墨畫工作坊，以水墨繪畫對南區的印象，而作品將製作成《南區水上圖》，並於區內展出。最重要費用全免，大家可按這裡事先報名，名額有限，先到先得。
「水墨．水上」工作坊
日期: 10月18日(星期日)
時間: 1pm-2pm 或 4pm-5pm（請提前15分鐘到達，逾時不候）
集合地點: 鴨脷洲洪聖街9號洪聖古廟
04: 9月新開！入住簡約木系酒店
經過一輪忙碌嘅行程，想休息下的話，可以來到今年9月開業的城木酒店Urbanwood Hotels，二人入住標準客房，每晚只需$650起，除開每位都只係$325，好抵玩。酒店以簡約木系為主調，加入不少大自然元素，好似木質家具、螺旋式樓梯等，每個位都係打卡熱點。客房以灰與白為主，設落地玻璃窗，可遠眺鴨脷洲城景、香港仔海峽及深灣；住客亦可到Reading Lounge免費享用茶，咖啡及小食，超寫意！
Urbanwood Hotels
網址: 按這裡
