朱慧敏嗌老公做BB

東方日報
·1 分鐘文章
成為人妻的朱慧敏心情靚爆。
成為人妻的朱慧敏心情靚爆。

朱慧敏上月底下嫁心臟科權威陳良貴,昨日婚後首度現身粉嶺做義工派發福袋。她偕好友王賢誌受訪,問到為何不戴婚戒?她笑言:「婚前有協議唔戴戒指,陳生因為做嘢關係,經常要洗手、戴手套唔方便,所以擺喺屋企。」

她甜笑表示已習慣做人妻,因平時有做開家頭細務。問到是否要改口叫老公?她怕醜稱未叫過,再問如何暱稱對方?她說:「佢係陳醫生嘛!要保護番佢個專業形象,叫Baby、BB咁囉!佢就會話『Hello my wife』,喺人前介紹佢都係『先生』、『丈夫』,我哋相敬如賓。」又稱計劃1、2年後造人,想生幾個小朋友,王賢誌聞言即取笑她「年紀唔細」,並舉手自薦做契爺,幫手湊B。

王賢誌催朱慧敏盡快生B。
王賢誌催朱慧敏盡快生B。