李思捷攞獎請食飯

李思捷在祝捷會上拿起獎座,興奮到手震!
李思捷在祝捷會上拿起獎座,興奮到手震!

李思捷主持的無綫遊戲節目《思家大戰》在新加坡舉行的「2022亞洲影藝創意大獎」(Asian Academy Creative Awards 2022)中榮獲「最佳娛樂節目主持」獎項,他昨日在將軍澳電視城出席祝捷會,拿起獎項的他興奮得手震兼口震,認真開心到震!

他指當日知道得獎後立即通知家人與朋友分享喜悅,隨後會請工作人員食飯,因為節目並非他一個人能夠完成,要多得幕後同事專業協助。問到節目是否會開第三季?他說:「I believe,好想,因為呢份工真係正到爆,做到呢個Show真係夢想成真,唔係為咗要賺咩大錢,呢個節目就係一份好好嘅工作。」他又透露有計劃策劃一個婦女節目,問到是否想做師奶殺手?他笑說:「唔係,今次只係會做監製,唔會出鏡,希望下午嘅時間可以帶多啲娛樂畀大家。」