雅虎香港新聞 
李漫芬曬大肚泳衣照 孖老公甜蜜遊泰國
43歲藝人李漫芬(Fanny)陀B約四個月，心情超靚嘅佢早前同靚仔老公一齊去泰國旅行，仲「懷住小寶去游泳 」，大曬性感泳衣照。Fanny大讚天氣夠晒好，同老公以及肚裡面嘅BB玩得好開心！
撰文：Sunday Kiss
圖片：李漫芬 Fanny Lee Facebook
延伸閱讀：
懷孕4個月 甜曬泳衣照
李漫芬上個月公布陀B已3個多月，心情靚爆鏡嘅佢早前再喺Facebook放閃，張貼多張與老公的泳裝合照。Fanny稱二人正在泰國渡假，能「懷住小寶去游泳 」，令她非常高興！
李漫芬老公Alvin對她呵護有加，兩公婆仲一齊摸肚，同BB甜蜜傳情。
李漫芬曬豐滿身材
懷孕其中一件樂事就係身材會變得更豐滿，喺Fanny上載嘅相入面，可以好清楚見到佢嘅火辣身材！
心情大好嘅Fanny趁老公曬太陽瞓著都要自拍返張，二人非常恩愛！
其實身材好嘅唔止Fanny，仲有佢老公Alvin。Fanny自拍得意之際都不忘幫老公影相，比佢曬下胸肌。兩公婆一樣咁養眼，的確好襯啊！
結婚4個月有喜
李漫芬於今年2月下嫁圈外男友Alvin，結婚4個月後成功造人，榮升做父母。作為高齡產婦嘅Fanny得知懷孕後表示好感恩，但仍會繼續努力工作，誓要做個全能媽媽！
陳煒同Fanny感情非常好，仲係佢婚禮嘅姊妹，知道閨蜜有喜，煒哥當然要上前祝福！
希望Fanny呢胎陀得安穩，同老公繼續享受呢段「奇妙旅程」！
下一頁：楊潮凱報喜做爸爸：我要努力賺錢喇！
延伸閱讀：
