李璨琛囡囡 爆喊搵阿媽

·1 分鐘文章
李元元收拾心情,向鏡頭派心。
李元元收拾心情,向鏡頭派心。

「最萌星二代」李元元(Lucy)昨日凸住肚腩仔跟爸爸李璨琛出席活動,表現淡定,大擺Pose搶Fo,星味十足。當大會致送模型紀念品給兩父女時,她望住爸爸說:「屋企有好多呢啲!」即惹來全場發笑,讚她可愛,但可能聲浪太大,嚇得她即時面壁爆喊,喊住離場要搵媽媽。李璨琛受訪時解釋指囡囡以為大家取笑她,笑言氹番就可以。

問到之後會否以父女檔接Job?他表示再研究:「時間太長怕佢冇耐性,佢一扭計我搞唔掂。(介意囡囡人氣比你高?)OK,係開心事!」講到囡囡8月將返幼稚園,他表示屆時想送她返學享親子樂。

李璨琛父女檔現身活動,期間女兒以為被笑,即場爆喊。
李璨琛父女檔現身活動,期間女兒以為被笑,即場爆喊。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能