李靖筠煮聖誕大餐冧仔

藝人李靖筠前晚偕袁潔瑩、孫慧雪出席活動，她透露已拍畢電影，可以好好放聖誕假：「會買禮物畀男友，但未諗到買乜，可能煮餐飯，我覺得自己煮得好食，男友都肯畀面食晒。」

久未露面的袁潔瑩表示，最近忙運動及跟朋友聚會，若有幕前工作也會考慮。至於孫慧雪近日拍了一個豐胸代言廣告：「啲相有少少性感，老公睇過話幾靚，佢冇得唔支持，性感可以，但意識唔可以大膽。」又指之前減肥期間，老公因幫手「清碟」而發福。