杜汶澤鄭中基自爆得罪人多 重提醉酒大鬧機艙內情

【星島日報報道】杜汶澤為奇妙電視主持節目《杜汶澤食住上》，阿澤發揮「把口唔收」的性格，邊食邊爆娛樂圈秘聞，遇上「暴龍哥」鄭中基，二人除了親身試食「牛三寶」，暴龍哥更首度自述當年機上醉酒事件的爆笑內情。 阿澤與鄭中基一嚐新鮮熱辣的「牛三寶」，包括牛鞭、牛歡喜及牛波子，阿澤激讚：「我真係覺得幾好食，牛鞭唔羶，仲有咬口，食落好似牛筋，牛歡喜就似牛腩。」兄弟鄭中基則不及阿澤大膽，完全不敢吃牛波子，但卻力讚牛歡喜有肥膏、好肉地。二人以清酒配牛，暢談過去醉酒的瘀事，二人更自爆在圈中出名醉酒搞事。阿澤笑問：「俾我哋飲醉酒騷擾過嘅人有無過千呢？」鄭中基神回：「應該唔止，我淨係上次飛機嗰單已經影響成機人。」 話說2000年，鄭中基曾在航機上醉酒鬧事，引起軒然大波。鄭中基在節目中重提事件，指當時醒來已被鎖上手扣，被眼前的FBI問話時還以為自己發緊夢。後來才知道因醉酒鬧事累航機緊急降落，用掉大量燃油。他坦言：「事後賠咗好多錢畀航空公司及受影響人士，幾乎頭幾年賣碟嘅收入一鋪清袋。」阿澤又大爆：「鄭中基飲醉酒真係好可怕，佢最鍾意上網，試過幾次喺我個社交媒體上亂咁回覆粉絲留言。大佬！野唔可以亂寫，會得罪人㗎！我真係怕咗佢。」

睇更多