環球趣聞｜東京住宅區出現神社 奇蹟設計迅間爆紅

大家如果去過日本都應該曾經進入過神社，日本幾乎所有城市及地區都有神社，大大小小嘅神社都有相同特徵，就係有一個紅色嘅島居作為入口，不過近日有網民就發現位於東京一處住宅區入面，居然有住宅門外係鳥居呢！

位於東京中央區八丁堀車站附近有一處民居外面係鳥居，而入面就係平時嘅水泥住宅建築，感覺十分怪異而且充滿違和感。有人笑言係咪住宅主人故意將屋企化成鳥居設計，但原來此處真係神社，名為「今村幸稻荷神社」。原本「今村幸稻荷神社」係一所正正常常建立於戶外嘅大型神社，可惜於二次大戰被空襲摧毀，當年未有錢重建惟有於1969年時簡單咁於當地一所住宅外建起鳥居，諗住只過渡性安排，點知就維持至今。

事件令神社突然爆紅，唔少媒體都去採訪神社，有神社負責人就話原本嘅神社確實地址及興建年份都已經不可考究，目前只能於有限嘅土地之下維持運作，目前二樓係神社辦公室，一樓則係參拜地方。如此奇妙設計難怪引起網民熱烈討論，仲爭相前往參觀呢。

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

相關文章：

日本旅遊｜疫情捲土重來！東京單日感染創新高 隨時喊停旅客入境？

日本旅遊｜日本情侶著名賞楓地拍A片被捕 網民：刺激旅遊業

日本旅遊｜箱根水族館拒絕加價 改用平價魚餵企鵝水獺慘遭「拒吃」即時吐出？

港日文化大不同！居港日本人讚港人「愛讓座＋包容性高」？ 網民突破盲點：讓位係怕俾人公審、唔催單係怕被加料！