日本旅遊|疫情捲土重來!東京單日感染創新高 隨時喊停旅客入境?
正當日本開始開放旅行團入境,大家都希望可以好快去到日本旅行之時,實際情況可能令大家失望,因為日本目前疫情非常嚴重,甚至已經破咗單日感染記錄!
單日增18萬宗個案創新高
日前7月21日,日本出現單日18萬宗新增個案,大幅打破幾日前嘅15萬宗記錄,其中東京、大阪單日分別新增3萬多宗,47個都府縣中有30個都破下單日新增記錄,其中以沖繩最為嚴重,一日就新增5千多宗,沖繩累計已經有30萬宗感染,變相每5人就有1人曾經中招!
專家認為疫情捲土重來係因為Omicorn亞型變異BA.5擴散所致,政府表示因應第7波疫情,可能又會有收緊民眾外出嘅措施。原本計劃全面開放旅遊,迎接暑假旺季,但似乎因為新一波疫情暫時都要擱置,唔少旅遊業者對此表示失望。對於日本民眾而言,唔少網民都贊成先不開放自由行旅客入境,怕會加劇疫情,嚴重影響當地人生活呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章:
港日文化大不同!居港日本人讚港人「愛讓座+包容性高」? 網民突破盲點:讓位係怕俾人公審、唔催單係怕被加料!
沖繩旅遊丨石垣島VS宮古島點揀好?日本Youtuber列出7大重點 人數/日數/交通方式成關鍵!