港日文化大不同!居港日本人讚港人「愛讓座+包容性高」? 網民突破盲點:讓位係怕俾人公審、唔催單係怕被加料!

居港日本人讚港人「愛讓座+包容性高」?
居港日本人讚港人「愛讓座+包容性高」?

香港人眼中的日本人,大多數都係守規矩又有禮,究竟係日本人眼中嘅香港人又係點呢?早排居港日本Youtuber May就真係返咗家鄉一個半月,返嚟香港有感而發分享了「香港人厲害之處」,唔知大家認唔認同自己擁有以下特質呢?

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

讓位文化

May稱初時到港,喺地鐵見到有人讓位予他人,佢覺得好感動,認為港人擁有為人著想嘅態度!May表示日本人好少讓位,佢早排返鄉下,同父母外出搭地鐵,即使車廂內八成乘客都係年輕人或大學生,但30分鐘車程都無人讓位俾七十多歲嘅兩老;反觀佢喺港鐵見到一對父母,爸爸抱住兩個小朋友,媽媽拉住BB車兼拖住一個小朋友,呢個五人家庭一進入車廂2-3秒就有2-3人讓座。

May直言對日本人有點失望,並解釋係因為日本人怕尷尬情況發生,佢曾聽講有日本人讓座予老人家,反而被唔認老嘅老人家大罵無禮,漸漸令大家失卻讓座嘅勇氣。另一個原因係怕羞,因讓座過程中總會惹來其他人目光,令讓座者感到怕羞!

超強語言能力

May覺得香港人好聰明、轉數快,大部份人識講廣東話、普通話及英語,有些人甚至識埋日文、韓文、西班牙文等,擁有超強語言能力,對日本人嚟講係好了不起嘅事!佢透露而家日本小學已有英文課程,但佢當年讀到中學先開始學英文字母、自我介紹及簡單文法,會話機會又少,即使學過英文都未必識講,自覺比不上香港人。

對失敗及錯誤有包容性

May覺得日本人對其他人要求過高、太嚴格,對失敗及錯誤包容性低。佢以餐廳點餐為例,當侍應落錯單,港人會話唔照緊要,而食物遲上枱,又會有禮地請對方跟進;反觀日本人會嬲到無尾音地大罵,並下下都要搵上頭投訴,令打工人士或從事服務性行業人士喘不過氣來,不過正正因為咁,日本人才能提供高質服務!

網民拆解背後原因

對May有讚無彈嘅評價,一眾港人都紛紛留言,當中有人突破盲腸道出以上種種優點背後嘅原因,表示香港盛行讓坐係因為怕俾人鬧、俾人上網公審;唔敢侍應對太惡或唔敢催單,係怕被「加料」;當然亦有人認為每個文化都有好壞,最緊要個人修養!

相片來源:youtube截圖、pakutaso

May in Hong Kong 私の香港生活

網址:按這裡

更多相關文章

港日文化大不同!居港日本人分享6個令人震驚的香港工作文化:港人請假唔尷尬/無交通津貼/返工後先食早餐/廁紙放枱頭

沖繩旅遊丨石垣島VS宮古島點揀好?日本Youtuber列出7大重點 人數/日數/交通方式成關鍵!

日本旅遊|失傳幾百年!日本意外發現古代忍術秘卷

更多日本旅遊相關文章

日本旅遊入境全攻略!日本6月10日恢復旅客入境 香港列入「藍色名單」免針!即睇入境條件/兌換日元攻略/全新日本景點

東京酒店2022丨東京+近郊5間新開酒店住宿推介!最平每晚只需$360/每房設桑拿/設3百呎私人露台!

日本旅行團丨5大旅行社推日本旅行團一覽!團費最平$5,999+最快6月11日出發+2人起成行 秋季賞楓團已推出?

日本旅遊丨最後朝聖機會!日本5個即將消失的地標/景點~Palette town摩天輪/台場TeamLab/岡山縣「貓島」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能