港日文化大不同!居港日本人分享6個令人震驚的香港工作文化:港人請假唔尷尬/無交通津貼/返工後先食早餐/廁紙放枱頭

居港日本人分享6個令人震驚的香港工作文化
居港日本人分享6個令人震驚的香港工作文化

相信有睇日本新聞或日劇的話,不多不少都聽聞過日本職場文代,當中印象都離不開:無限OT、收工後要陪老闆飲酒、階級觀念極重、員工唔敢請假等,究竟是否屬實?居港日本Youtuber May就對比香港及日本的工作文化,分享6個令她震驚的香港工作文化,並大讚香港工作環境比日本的優勝得多,大家一齊睇睇!

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

1. 廁紙當紙巾用

日本人將廁紙及一般紙巾分得好清楚,廁紙在廁所用,一般紙巾用來抹枱、抹嘴、呻鼻水時用,所以一定不會將廁紙放在辦公室工作枱上。May到港返工第一日,見到同事枱上放上廁紙,表示相當驚訝,覺得對方「好攪笑」並認為對方可能是全公司最幽默的人。但後來她發現其他同事枱上都有一卷,先發現原來香港人會將廁紙當紙巾用。

2. 無交通津貼

一般日本公司都會負擔員工的交通費,May不解為何香港公司沒有無交通津貼。她舉例說,以前在東京工作時,有一位員工住在靜岡縣,需要每日坐新幹線返工,單程車費約6,000-6500日圓(約$400-$450),但公司仍包其交通津貼,因為對方職高有優待。至於其他一般員工都會住在東京市內、埼玉縣、神奈川、千葉縣一帶,公司都會提供交通津貼。

3. 返工後食早餐

在日本,遲一分鐘都叫遲到,如果9:10分才到公司,再施施然食早餐,老闆一定嬲嬲豬。所以May表示好喜歡「返工後食早餐」呢個文化,即使遲到仍可若無其事地食,亦不會受到任何指責。

4. 拎鎖匙去公司廁所

May來港前已聽聞呢個文化,日本當地沒有廁所鎖匙呢個概念,佢地可以隨便去便利店廁所,而各公司亦會共用廁所,佢反問:「香港公司廁所點解要拎鎖匙,係唔係保安問題?」

5. 有Sick Leave制度

日本當地無Sick Leave制度,日本人想請病需要用有薪假期或扣人工,這是正常不過的事。不過遇著好上司,就不用被扣人工。

6. 請假唔尷尬

日本人很少請假,因為覺得請假會感到尷尬。請假前日本人會思前想後,例如上司都未放假、無理由自己比他先放假,又或放假會影響到其他同事等問題,所以諗諗下便放棄請假。May表示在日工作時好少請假,亦沒有留意自己有幾日年假,轉工時亦不會考慮這個問題。當然員工離職時,公司會按年假日數支付薪金。

May in Hong Kong 私の香港生活:按這裡

更多相關文章

香港手信丨居港Youtuber分享日本人最愛9大香港手信!「小心地滑」警告牌、出前一丁同Tempo紙巾一定要買?

鬼滅之刃朝聖地│《鬼滅之刃》五個現實版朝聖場景!東京吉原神社/雲取山/奈良天之石立神社/福島大川莊
宮崎駿5套經典作品取景地│千與千尋道後溫泉/天空之城卡那封城堡/龍貓狹山丘陵
香港古蹟丨香港5大古蹟建築 富殖民地色彩!前北九龍裁判法院/基督君王小堂/牛棚藝術村/九龍醫院
Bookmark定│本地靚景相集+盤點香港6大靚景! 南丫島石礦場/港版天空之鏡/港版金閣寺
集體回憶丨盤點5大天水圍舊地標!八佰伴曾進駐新北江商場?天水圍公園曾經准許划船?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能