香港手信丨居港Youtuber分享日本人最愛9大香港手信!「小心地滑」警告牌、出前一丁同Tempo紙巾一定要買?

居港Youtuber分享日本人最愛9大香港手信!
居港Youtuber分享日本人最愛9大香港手信!

講到日本手信,熱愛日本嘅港人閒閒地都數到十幾廿樣!相反日本人眼中嘅香港手信又會係咩呢?最近居港日本Youtuber May就分享日本人最愛嘅9大香港手信,當中除了京都念慈庵喉糖、即沖鴛鴦、月餅等,出奇地竟然有「小心地滑」警告牌,同源自日本嘅出前一丁,點解?一齊睇睇啦!

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

1. 出前一丁

出前一丁雖始於日本,但香港嘅口味比日本國內還要多,好似東京醬油、九州濃湯、沙嗲味、雞蓉味等,May形容「香港係出前一丁嘅天堂」,除了一包包即食麵,亦有杯麵、棒烏冬等,連佢嘅親戚都好鐘意食香港嘅出前一丁,所以佢一定會買返日本當手信!

youtube網上截圖
youtube網上截圖
youtube網上截圖
youtube網上截圖
youtube網上截圖
youtube網上截圖

2. Tempo紙巾

日本嘅紙巾一般都好薄,對日本人來說,厚如Tempo嘅紙巾屬非常罕見,而且有香味,佢形容「每次去超市經過聞到陣香味,已經覺得好幸福!」

youtube網上截圖
youtube網上截圖
Tempo.hk @facebook
Tempo.hk @facebook

3. 京都念慈庵喉糖

不少港人去日本都會買龍角散,相反日本人去都會買京都念慈庵喉糖,一來旅遊書有介紹,二來鐵罐裝京都念慈庵喉糖設計懷舊,值得收藏。除了May所說的喉糖外,曾有日本聲優在電視台節目中自爆服用京都念慈菴枇杷膏來舒緩喉嚨沙啞問題,結果當時京都念慈菴蜜亦被炒貴6倍。

youtube網上截圖
youtube網上截圖
ninjiom.hongkong@facebook
ninjiom.hongkong@facebook

4. 紫色李施德林漱口水

香港與日本嘅李施德林漱口水成份有所不同,May表示香港嘅紫色李施德林成份較強,「用紫色李施德林漱口嘅話,唔會引起蛀牙」佢住港八年,暫時未有蛀牙問題出現。

youtube網上截圖
youtube網上截圖

5. 即沖鴛鴦

即沖鴛鴦係香港特色飲品之一,May指居港前完全無法想飲咖啡溝奶茶係咩味,覺得鴛鴦係一款好獨特嘅飲品。雖然佢好少飲鴛鴦,但鴛鴦卻是香港好出名嘅手信!

youtube網上截圖
youtube網上截圖

6.「小心地滑」警告牌

香港好多地方都用「小心地滑」警告牌,對日本人覺得呢個警告牌好得意,係一個打卡點,甚至會買個警告牌帶返日本當手信。May指自己都好想買,但屋企無位擺,反而展示一個「小心地滑」警告牌嘅文件夾,相信同樣成為日本人嘅人氣手信。

youtube網上截圖
youtube網上截圖
youtube網上截圖
youtube網上截圖

7. 奇華曲奇餅/鳳梨酥

日本很少見到鳳梨酥,May指奇華嘅鳳梨酥夠足料,加上獨立包裝,適合做手信派俾同事或朋友,對方收到都非常開心。

youtube網上截圖
youtube網上截圖
keewahHK@facebook
keewahHK@facebook

8. 月餅

日本人中秋節吃「月見團子」,當她來港初期發現有不同口味嘅月餅,感到相當興奮,佢最愛係冰皮月餅。May指當年來港Working Holiday,人工只有約$5000,租金約$4600,但因為太愛食冰皮月餅,攪到「差啲食到破產」。如今May中秋節期間返日本嘅話,一定會買月餅當手信。

youtube網上截圖
youtube網上截圖
keewahHK@facebook
keewahHK@facebook

9. 茶葉

日本人鐘意飲綠茶、玄米茶,但好少買到普洱、香片等,所以自自然然成為日本人最愛嘅香港手信之一。

youtube網上截圖
youtube網上截圖
yingkeeteahouse@facebook
yingkeeteahouse@facebook

更多相關文章

移民英國懶人包丨居英港人分享 移民常見問題Q&A — 工作篇:點搵工?咩工最易搵?最低工資夠唔夠養起成家?
移民英國懶人包丨居英港人分享 移民常見問題Q&A — 租屋篇 租屋過程要幾耐?按金點計?有無辦法去到就有屋住?

鬼滅之刃朝聖地│《鬼滅之刃》五個現實版朝聖場景!東京吉原神社/雲取山/奈良天之石立神社/福島大川莊
宮崎駿5套經典作品取景地│千與千尋道後溫泉/天空之城卡那封城堡/龍貓狹山丘陵
香港古蹟丨香港5大古蹟建築 富殖民地色彩!前北九龍裁判法院/基督君王小堂/牛棚藝術村/九龍醫院
Bookmark定│本地靚景相集+盤點香港6大靚景! 南丫島石礦場/港版天空之鏡/港版金閣寺
集體回憶丨盤點5大天水圍舊地標!八佰伴曾進駐新北江商場?天水圍公園曾經准許划船?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能