由吳若希(Jinny)、林穎彤、台灣女主持沈韋汝及牟韻潔主持嘅旅遊節目《東京血拼攻略》喺星期日(20日)晚9點半開播，內容主要介紹地道潮店、帶大家去outlet買平靚正嘅嘢同埋去食好西咁！不過首集出街後，唔少網民都鬧爆吳若希在二手賣名牌的店舖中，懶理禁止觸摸的英文告示，一見限量名牌篋上就亂摸，又經常在店內大聲說話同狂笑，行為失禮。對此，吳若希昨日在TVB錄影新年節目《阿爺賀歲攻略》時作出回應！

撰文：東方新地 ｜圖片：新傳媒圖片、無綫電視截圖、陳冠希 IG

延伸閱讀：

38歲鍾欣潼留言自稱「三八」被糾正 阿嬌幽默回應網民！

陳浩民大女攞全校優秀學生獎 蔣麗莎：比看爸爸拿獎更激動！

吳若希拍旅遊節目 網友力數三宗罪

大台旅遊節目《東京血拼攻略》周日晚首播，節目由2個吳若希、林穎彤以及台灣旅遊女主持沈韋汝、牟韻潔帶大家走勻大小地道潮店及介紹平靚正潮物及美食，但不少網民睇完節目後，炮轟吳若希行為失禮，甚至力數她3宗罪。

罪行1. high爆大聲笑

去到逾10萬款限量二手名牌特賣場，四女一入場，就見吳若希帶頭拉住林穎彤瘋狂跑入去，一路跑一路大聲話：「嘩⋯好靚啊！」反而兩位台灣主持比較冷靜，慢慢行喺後邊向觀眾介紹哪個專櫃掃貨同點揀優質包包！

見到個罕有名牌喼，吳若希癲咗咁話買！

之後四位主持再到新宿百貨尋寶，吳若希見到林穎彤拎咗個小巧嘅名牌背囊，大叫大笑話：「好打耳！好打耳！」林穎彤又大笑附和話：「好打耳！」連主持沈韋汝都忍不住「殊」示意佢哋安靜啲。
網友話成個節目，一味聽到吳若希又笑又大聲講，見名牌包包就失晒控嘈喧巴閉，反而實用資訊嘅就冇乜講!

2. 無視警告 亂摸限量名牌旅行箱

之後牟韻潔、吳若希去咗一間二手名牌專門店，Jinny例牌見到名牌自high狂笑，最弊仲係佢無視店舖貼咗2個「Please Don’t Touch!」英文警告標語，一見個價值1500萬日元（約100萬港元）嘅LV與Supreme crossover行李箱就出手摸，仲邊摸邊話：「我就冇錢買㗎喇，摸吓都好！」吳若希被網友狂轟失禮自己更影衰港人！

唔少網民睇到Jinny行為話佢失儀又失禮，更巿更有重提其學歷話「中四輟學識英文嘅咩？」、「可能唔識呢句英文」等等。

3. 講低級趣味笑話

吳若希同沈韋汝介紹釣魚茶屋，二人品嚐番自己釣嘅魚，沈韋汝話係第一次釣魚，反而在台灣試過也喜歡釣蝦，點知吳若希玩食字玩性暗示重，笑笑口話：「講起釣蝦，你真係有所不知」之後補充話自己係「釣蝦女皇 Queen of 釣蝦」沈韋汝聽唔明反問：「你釣，這麼會釣喔？」，吳若希聽到又再自顧自失控大笑，反而叫沈韋汝「你唔好再講嘢喇！食啦！」唔少網友話沈韋汝明明講緊正經嘢分享台灣釣蝦樂，但吳若希居然諗埋啲衰嘢，講咗大堆佢低級趣味，又令沈韋汝尷尬又不明所以嘅說話！

吳若希：跟公司指引做

吳若希和杜如風為TVB節目《阿爺賀歲攻略》錄映，對於被轟拍旅遊節目被轟亂摸行李篋，Jinny回應傳媒時表示：「係咩？唔摸得咩？」她又表示是跟公司指引做，公司話得就得、唔得就唔得，拍攝時係有公司帶住，唔可以的話應該唔出得街，當其時拍攝係可以，但佢都叮囑大家去到間店就唔好亂摸！

而在旁的杜如風就教購買日本古著禮儀，指不要摸，喜歡的話直接付款就好，真係唔好亂來！至於被指港女，Jinny認自己係港女，又問身旁杜如風港女特質？杜如風抵死笑言：「靚女、善良、心地好，仗義、唔做朋友一流。」

百萬「玩具箱」陳冠希囡囡都有一個

講開呢個行李篋，陳冠希囡囡都有一個！自從去年與女友秦舒培誕下囡囡Alaia之後，Edison搖身一變成「晒女狂魔」，經常在社交網上大晒Alaia穿上潮牌潮物的可愛照，可謂有女大過天！去年聖誕節佢就晒出囡囡Alaia在「玩具箱」中玩耍的照片，並留言：「ALAIA’S TOY CHEST（Alaia的玩具箱）。」2歲的Alaia紮著馬尾，抱著熊公仔，並安靜咁坐喺裝滿玩具的箱子中玩耍，可愛指數爆標！

雖然Alaia愈大愈精靈，但網民嘅焦點卻放喺呢個「玩具箱」上。有眼尖網民發現，Alaia的「玩具箱」可謂價值不菲，該箱是LV與潮牌Supreme在2017的聯乘產品「Malle Courrier 90 Red Trunk」，公開發售時定價為美金＄68,500（約港幣＄540,000），後來被炒上瘋狂價位，甚至有拍賣場以美金＄125,000（約港幣＄1,000,000）成交，有持續升值空間，被稱為「天價收藏品」絕非無道理！

網民笑：晒囡定炫富呀！

但愛女心切的陳冠希就非常捨得，拿畀囡囡當「玩具箱」用，引來網民「葡萄」留言：「好想當你的小孩。」、「有史以來最貴玩具箱。」、「一個箱子都可以在我們那兒買套房子了，貧窮限制了我的想像力。」甚至有網民質疑，陳冠希此舉不單是晒囡，更是在「呃Like」炫富！

吳若希一向都非常敢言（成日講錯野），之前酸爆菊梓喬Hana「一姐」言論 ：「就算造畀佢都應該呀，始終自己公司嘅人」，暗串公司造獎比 Hana 兼暗酸她計投票率先贏！其實除了和Hana的恩怨情仇，Jinny之前亦試過講錯說話得罪高登仔和網民，一起細數6大「講錯野、得罪人」往事！

撰文：好打耳呀(原文刊於：新Monday)｜相片來源：吳若希IG、菊梓喬IG、Facebook、劇照｜編輯：東方新地

1. 暗酸 Hana 非實至名歸

《2018年度勁歌金曲頒獎典禮》後有記者問吳若希覺得Hana是否實至名歸時，她竟回答「如果佢係計投票率嘅話係值得當選㗎喎。」是在暗示Hana贏獎靠的只是投票率而不是實力？

然後再講到上年男女歌星獎合併為一獎，但今年就分番開，有指是想造就Hana奪得女歌星獎時，Jinny就謂：「就算造畀佢都應該呀，始終自己公司嘅人，佢啲歌係真係Hit，依家冇乜邊個香港歌手嘅MV係差唔多隻隻都過到百萬點擊率。」

有不少網民都覺得 Jinny 如此回應是扮大方、實質句句有骨。除了回應被人指責外，她聽到 Hana 得獎時的誇張反應亦相當耐人尋味。

去年底Hana在台慶頒獎禮獲「最受歡迎電視歌曲」，吳若希即時在菊梓喬Ig留言：「恭喜你呀一姐」，被網民解讀成她暗寸菊梓喬未夠班。

2. Jinny 於2019台慶講錯野！

2018年《千星輝賀台慶》 播出，約個半鐘的節目找來多位藝員表演。節目開始約半個鐘就搵嚟周柏豪、袁偉豪同胡鴻鈞表演射籃。

問到吳若希支持誰時，她就話：「我個心就係支持胡鴻鈞，不過TVB份稿叫我支持周柏豪！」

Do姐都不禁講句：「乜你咁㗎？」連叻哥等人都忍不住指責她倒米。有網民就相信此言論一出，吳若希應該會被TVB高層「照肺」！

3. 曾在Facebook指控雨運令小巴停駛

2014年10月上旬，香港爆發雨傘革命，吳若希在facebook埋怨示威集會令小巴停駛，影響市民正常生活，更令公公婆婆去醫院復診的成本增加。

結果曾被捧為高登女神的她，被網友唾棄。網民多指長者假日坐公共交通工具會有優惠，她對集會人士的指控並不成立。

其後她解釋自己是針對集會人士，沒指明是「佔中」還是「反佔中」，但網民並不接受她的解釋。

4. 合照被指諷鄧麗欣老！

吳若希因反雨運得罪了高登仔，被除名女神後，在網上人氣下挫了不少。2014年12月，她上載了一張與鄧麗欣的合照，留言又再起風波。

這張照片於吳若希出席2014年雅虎香港頒獎禮時，在後台碰上鄧麗欣時拍攝。她還留言說：「我初戀時已經聽她的歌∼∼」

網民認為吳若希此言，是在暗諷鄧麗欣年老，為人很有機心，群起插爆。而其實鄧麗欣只是年長吳若希9年，結果吳若希全程「任插」不敢回應。

5. 貼陳嘉佳比較照曲線抬高自己

2015年1月上旬，吳若希在facebook發出新年後第一個近況，就是她與陳嘉佳（細細粒）的照片比較，留言說：「小寶絕對是一個美女！」

此近況發出後，立即招來網民的痛罵。有網民指吳若希用意是貶低小寶，曲線讚自己靚，用心不良；更有網民叫她出帖前「唔該用下個腦」。

6. 幫老公趕客！

之前 Jinny 同老公、bb去美國旅行時，她在 Instagram 上大數老公的客人沒有行動、只吹水，令好老公白忙一場，浪費成個旅行。

不知道和她老公傾過電話的客看到 Jinny 如此抱怨後會有什麼感覺呢？

買酒返香閨歎 何雁詩背鄭俊弘連環撻仔

【荷里活有個大老千】港姐出身 做過空姐！孝順文凱玲：一半人工畀屋企

【一個因去跳舞】黃智雯做周子瑜師妹！讀藝校壓力大 跟唔上進度爆喊

20位女星素顏大公開 係化妝喬裝定係易容術?

盤點娛樂圈8位高齡爸爸 最大年紀係60歲？！

吳若希晒合照冇菊梓喬份！網民：專登唔影一姐

3字尾索過後生女！劉心悠 公開4招保養心得

陳妍希挑戰朱茵演「紫霞仙子」捱批！

大方分享B女得意樣！李亞男：同奶奶餅印樣…

深宵睇《蓋世豪俠》笑住瞓！嚴選最想大台重播的8套經典神劇

背同居有米男友收兵 江嘉敏姣撻伍允龍

家庭聚會冇男友份 17歲沈月黑面對抗邱淑貞

姊妹幫口催婚 鄧麗欣台灣置業等嫁王子

《比悲傷》女主角陳意涵 陀B八個月 肥B唔肥身

吳孟達慨嘆與星爺形同陌路 揭17年冇再合作的原因

插菊梓喬冇人撐！吳若希發難扭跳槽

搣甩地獄廚神惡名 黃翠如煲靚湯 蕭正楠嗌「好滾動！」

靠吳綺莉接濟 卓林煙駁煙遊街

酒井法子被封「網上乞兒」！只因加了兩條連結⋯

傳應采兒陀第二胎！陳小春全家福相留言藏暗示？

貼廿年前孕照 慶囝囝生日 曾華倩：上天賜我最寶貴禮物⋯

【守護神之保險調查】入行逾三十年！60歲苗僑偉 嫩男變型佬

剝牙唔怕痛！陸永5歲細女最怕居然係呢樣嘢…

延伸閱讀：

Angelababy拍停食穿山甲通乳廣告 被狂轟曲線宣傳