東南亞藍色香蕉紅遍全球 口感似食雪糕
講起香蕉大家都知係黃色,就算未熟都只會係綠色。不過近期網上唔少人卻熱捧一款藍色皮香蕉,不時見到有網紅影相打咭!原來呢款藍色香蕉就為來自東南亞、原產爪哇嘅「爪哇藍蕉」(Blue Java Banana),其外表藍色仲要係粉藍色類似Tiffany Blue,而非一般實色藍色,藍蕉係尚未完全成熟時嘅顏色,而熟透後就會變成一般嘅黃色。
而藍蕉嘅果肉都係米白色,有少部分會偏藍一啲,不過好多人大讚口感綿滑及味道極佳,因為極似食雪糕嘅感覺,入口即化,因此也被稱為「香蕉界哈根達斯」,除咗就咁食用之外,都有作為調酒、燒烤、甜品之用。其實藍蕉早係十多年前引入澳洲北部及美國夏威夷等地,更被命名為「雪糕香蕉」。至於點解係藍色,有植物學家估計因為東南亞等地害蟲多,植物生長時換上藍色皮有效嚇走害蟲呢。
___________________
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
___________________
相關文章: