東張西望|西貢唐狗走出行人路吠叫追途人 街坊險被咬 主人堅持放養不介意報警:我有我態度

不少人都會養狗,部分人甚至會養大型狗隻,但如果方式不當,就可能會對鄰居和其他人造成困擾。TVB《東張西望》昨晚表示,一名男子在西貢翠塘路一間村屋養了 4 隻唐狗,片段所見主人沒有為狗隻牽繩,而狗隻周不時都會走出屋,甚至會走到人來人往的公家路吠叫路經的人,有街坊甚至表示曾被牠們追著,差點被咬。有狗隻訓練師觀察片段後,認為主人要負較大責任,不過主人就回應指,飼養的唐狗會聽他指令,又指城市人根本不習慣原居民的生活方式,更表示「我有我態度」,會繼續不牽繩放養,直言其他人「唔滿意就報警」。

網上有片段指,涉事唐狗曾經跟著路人並吠叫。
網上有片段指,涉事唐狗曾經跟著路人並吠叫。
涉事唐狗。
涉事唐狗。

節目引述街坊指,4 隻唐狗經常在翠塘路迴旋處的馬路和附近草地出沒。節目找來一名養狗經驗廿多年的西貢街坊,她指住在附近 3 年多,之前已經見過這批唐狗,指當初牠們只會吠叫,但不會跟著人,對他人影響都不大;但到了今年初,她表示這批唐狗的脾性似乎有轉變,「佢哋會衝上嚟吠你之外,仲會追住你,佢覺得你行緊撻地都係佢嘅」,「試過放工返屋企,都成 11 點,我同老公經過條路,佢哋就衝上嚟吠我哋,都好驚,都要兜條遠路返屋企」。

一名搬到肇事位置附近 3 年多的西貢街坊講述事件。
一名搬到肇事位置附近 3 年多的西貢街坊講述事件。
這名街坊指涉事唐狗晚上都會吠叫路人,令她感害怕。
這名街坊指涉事唐狗晚上都會吠叫路人,令她感害怕。

到了某日下午她出門上班時,「佢哋真係衝上嚟對住我吠,仲追住我」,並指其中一隻唐狗已經碰到她大腿位置,令她感到害怕和大聲驚叫,「我廿幾年嚟第一次咁驚狗。」她指有街坊目睹當時狗主在家,但都沒叫牠們回家。她指後來有就事件報警,但警員到場後,狗隻照樣吠叫,難以接近村屋。她後來都有在網上分享事件,之後都有區內網民指曾經有類似遭遇。

立即下載Yahoo新聞APP

這名街坊並說有日下午出門上班時被唐狗追,其中一隻已碰到她的大腿。
這名街坊並說有日下午出門上班時被唐狗追,其中一隻已碰到她的大腿。
有網民都有類似遭遇
有網民都有類似遭遇

狗隻訓練師 Eric Chan 觀看其中一條上述唐狗不斷搖尾,並向途人吠叫的片段;他在節目中表示,「我肯定佢哋(狗隻)係喺緊張的狀態」,又指狗隻擺尾不一定代表開心。他形容,片中唐狗當刻的狀態不算十分有惡意,但都算是戰戰兢兢,「唔知道係咪佢哋之前有啲經歷,還是佢哋真係唔鍾意人哋走近該處。」

狗隻訓練師 Eric Chan 指唐狗的反應比較緊張。
狗隻訓練師 Eric Chan 指唐狗的反應比較緊張。

及後,節目找來兩名曾經遇過上述唐狗的姊弟,並形容牠們「超級惡」,姐姐指「一係就吠警察,一係就吠附近一位婆婆」,至於弟弟就指自己差點被唐狗咬到小腿;告訴父母後,就獲回覆指盡量不要行經該處。至於另一名有養較小型狗隻的街坊就指該批唐狗「好嘈,成日都吠,係唔係都吠。」

有小朋友指差點被咬到
有小朋友指差點被咬到
有其他狗主就指該批唐狗「係唔係都吠」。
有其他狗主就指該批唐狗「係唔係都吠」。

攝製隊某日到了事發地點附近,指上述唐狗分別守在村屋門口,期間有狗接近屋外草地,雖然未吠叫,但就會從屋外跑出來,甚至走出公眾行人路。攝製隊又影到主人跟其中三隻唐狗出外,期間完全沒有牽繩。到了晚上,唐狗未有返入屋,繼續在屋外的行人路流連,見到有人和狗經過都會吠叫。有網民就指,試過凌晨兩點半都聽到狗吠聲,影響睡眠。

攝製隊影到主人放狗沒有牽繩。
攝製隊影到主人放狗沒有牽繩。

攝製隊其後找到狗主並直接向他查詢。被問到唐狗會走出行人路追住途人並吠叫,主人就指「妳今日嚟到見到呢 4 隻狗,妳有冇咩回應?妳話我聽」,「可能一個半個街坊啫,唔鍾意狗的人,就算你用條繩拖住佢,佢都嫌你隻狗樣衰㗎啦,佢哋唔鍾意狗都冇得講」。他並指如果見到狗隻追著途人,就會叫佢「返嚟」,牠們就會照辦。對於有街坊指被唐狗追但主人無介入,主人就指「唔會,我聽到聲,佢追人,我就會叫佢返嚟。」不過,節目就再次找回前述養狗廿多年的街坊,她指聽到街坊指小孩玩耍期間曾被狗追,大人好言相勸,主人的回應就不太友善,指「咁又點吖?不如去報警啦。」

狗主指如果唐狗追途人,一定會叫牠回來
狗主指如果唐狗追途人,一定會叫牠回來
上述的街坊指有小朋友遇過該狗隻,大人好言相勸規管毛孩,但換來主人指「不如報警囉」
上述的街坊指有小朋友遇過該狗隻,大人好言相勸規管毛孩,但換來主人指「不如報警囉」

狗主就指,自己會繼續放養幾隻唐狗,又指無拉繩的做法「唔覺得有咩問題」。「我自出娘胎就已經係咁,有時你哋城市人入嚟西貢住,點解你哋唔可以包容下原居民喺度生活咗幾十年的習慣?點解一定要原居民跟返你哋的社會習慣?」,「你咪繼續報警囉,唔滿意就報警得㗎喇,搵《東張西望》我都係咁講」,「我有我態度吖嘛。」

主人指不認為無牽繩有甚麼問題
主人指不認為無牽繩有甚麼問題
主人指為何他人不能包容原居民的生活方式
主人指為何他人不能包容原居民的生活方式
主人指他人如不滿儘管報警,「就算搵《東張西望》都係咁講」
主人指他人如不滿儘管報警,「就算搵《東張西望》都係咁講」
主人指,「我有我態度」
主人指,「我有我態度」
涉事唐狗
涉事唐狗

狗隻訓練師 Eric Chan 最後表示,認為事件上狗主要負最大責任,除了要確保狗隻的安全,亦不應該因為自己的問題而影響到別人生活,並勸籲出外放狗要牽繩;如果不在家,就要將狗隻鎖在圍欄或者屋內。