「東煮」閉關後有喜

【星島日報報道】很喜歡有心、有火、有力、不斷鑽研、尋求進步、積極突破的年輕廚師，就似一抹朝陽，愈來愈有光芒。縱然功力未進大師級，但時間在佢 手，只要Keep住一道火，必有所成。 小弟乃為食鬼，且有N個「為食小組」晚晚要搵美食，所以一年在外食二百多餐。當中，碰上符碌食肆不少，拜拜，冇下次！大部分，合乎水準。間中，則遇上驚喜。呢呢，上周五又一次。年多前，老友介紹我幫襯一對勤懇小夫妻，在紅磡崇潔街經營的私房菜「東煮友喜」，覺得應該支持打氣。於是，去過兩次。當時，丈夫Matthew主廚，大 肚的妻子Fiona負責樓面，夾手夾腳搏殺，生意不錯。但此店有個大問題——冇洗手間，客人要走到街外中央廁所，好鬼麻煩。加上業主又話加租，終於兩夫婦決定暫停。 一年飛快過去，上月接到Fiona通知，重開。新鋪五年約，可以略重本裝修，有私家洗手間。我即時訂位，拉「為食敢死隊」去睇睇有乜新貢獻，並提出：「四百八十元至五百元一位，乜都食，總之好就食，唔該Matthew寫菜單盡顯身手！」 一日後，菜單傳來——冰鎮南非鮑魚、哈密瓜爵士燉湯、避風塘炒肉蟹、紅米乾冰梅爆海蝦、翠綠白玉藏珍、瑤柱竹笙蒸貴妃蚌、鹹梅蓉蒸海馬友（三斤半）、柴爐焗花雕雞、鮮磨杏汁浸時蔬。日子到，十條大漢殺去，位置較僻，入到崇潔街篤篤。新店裝修平實優雅，最多可做兩 ，大廚Matthew換上新廚師制服，有型又醒目。上菜！咦，全部味道及賣相（Presentation）皆有明顯進步，究竟，過去一年，Matthew練過乜功？ 「碌哥，停業一年物色新鋪及裝修期間，我不停睇書、睇片及鑽研廚功，積極試試試，再加入自己的想法，見到大家食得開心，很滿足呀！」 地址：紅磡崇潔街73號地下（近加太賀料理） 電話：3598 2968 阿碌開咪 曾智華 副刊