林峯吳千語正式承認結束五年情

東方新地 - 娛聞

更新日期： 2018年3月19日上午9:45

林峯日前出席活動時，正式承認與吳千語已經分手，結束五年情！而吳千語亦喺社交平台發文，表示難以放下五年間全心全意投入的感情，希望大家俾空間佢適應。不過林峯不愁寂寞，上年底已經交上內地索模、現年27歲擁34D火辣身材的張馨月，林峯早前帶同新歡返廈門過農曆年，張馨月又秘密來港陪男友開工，而且已經極速融入林家，甚得林父歡心！

撰文：東方新地｜圖片：新傳媒、IG

林峯承認與吳千語分手

林峯日前出席活動時，當然被追問與吳千語的分手傳聞，佢承認同吳千語其實已經分開咗一段時間，希望大家俾啲空間佢哋；至於感情方面則是隨緣，會集中在工作上。林峯又強調只會講埋今次，私人事以後唔會再答！

吳千語：完全放下實在不容易

而身為女主角的吳千語亦喺社交網亦承認分手一事，佢留言：「感謝各界朋友短訊關心和支持，請原諒我選擇以社交平台作一次性的回應。五年間全心全意投入的感情，要完全放下實在不容易，大家請給我空間適應，未來我會勇敢面對。希望今後大家會繼續給我支持，並多留意我的工作。」

林峯父母穿紅線安排相睇飯局

與吳千語分手後，林峯全副精神埋首工作，不過家底厚的林峯又點會冇女埋身，原來上年年底，林峯在父母安排的相睇飯局，結識現年27歲擁34D激凸上圍的內地索模張馨月，女方一見林峯即冧爆主動出擊，極速俘虜林峯的心。

林峯同吳千語拍拖五年，吳千語雖然被爆有公主病兼拜金，經常暪住男友暗釣富二代，但林峯對女方依然呵護備至。

張馨月甚得林峯父母歡心

據知林峯同吳千語拍拖時，林父唔鍾意女方拜金主義，又好名牌又有公主病，所以佢兩個分手，林家反而仲開心！仲即刻安排相睇飯局。原來張馨月屋企人係林峯親戚的朋友，林父見個女仔外形條件唔錯，人品又好，就撥行大葵扇。其實兩人都係農曆年前先開始拍拖，但因為張馨月溫柔又就得人，所以拍拖無耐，林峯已經好投入，心情仲好靚㖭！