林希靈替聾啞人士抱不平被封正義女神 男友係ViuTV大隻靚仔小生陳安立

無綫資訊節目《東張西望》日前報道聾啞人士美華單位被保安娟姐佔據及要喺走廊露宿，播出後事件引起觀眾關注，前往現場採訪嘅主持林希靈，喺採訪期間爆seed質問娟姐兼話佢冇人性，唔少網民留言大讚佢有正義感兼封佢做「正義女神」。

現年32歲嘅林希靈（Agnes），畢業於加拿大多倫多大學，2012年參加無綫網絡電視「不得了人材招募」後入行，初期佢曾任《無綫娛樂新聞報道》 記者，其後亦為《猩猩補習班》、《Think Big 天地》、《Think Big遊學團》及《安樂蝸》等節目擔任主持，2019年2月開始加入《東張西望》做外景主持。除咗主持之外，林希靈亦有為劇集客串，例如《愛·回家之開心速遞》、《跳躍生命線》及《黃金有罪》等等。

至於感情生活方面，林希靈早已名花有主，而佢嘅男朋友就係ViuTV大隻靚仔小生陳安立（Brian），佢哋同樣非常熱愛運動。戀情亦愈見浮面，佢哋都分別有上載合照到其社交網站。上年更以情侶檔形式創業，投資6位數字搞美食品牌網店。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！