【林建名逝世】夠坦白 自爆女伴過千 被勒索主動交裸照予傳媒

林建名生前出名緋聞多多之外，仲有一個特質就係夠坦白。比起其他富商，「大少」做生意未必夠叻，但係對住傳媒，絕對夠膽自爆講真嘢。

自爆風流史 承認有「多人運動」

除咗喺記者面前講起何傲兒（現改名何天兒）流淚、鬧前愛將趙碩之之外，林建名早幾年接受專訪，大爆人生風流韻事，自稱有過過千「床伴」，試過同英國模特兒發展3年純肉體關係，又承認有「多人運動」經驗。即使年紀大，大少自爆會靠藥物幫手保持雄風，平時會做八段錦保持活力，強調對女士唔會粗魯，仲公開擇偶條件，講明會揀「非智慧型」靚女，真係坦白得可以。

被拍裸照勒索 主動交相俾傳媒

大少風流唔怕認，但係色字頭上一把刀，總有出事嘅時候。林建名90年代喺台灣嘅別墅被持槍匪徒入屋，將佢綁起仲拍下裸照。事後匪徒勒索100萬美金，仲將裸照寄俾大少，佢決定主動出擊自爆事件，仲將裸照發俾傳媒，令匪徒未能得逞，之後仲一舉成擒。大少多年後重提舊事，否認外界傳佢當時被匪徒侵犯嘅講法。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

【相關搜尋】林建名扯火插趙碩之