林穎彤宣布修畢營養學課程 IG出PO疑為離港發展鋪路

31歲無綫小花林穎彤（Bella）近年向多方面發展，唱歌、拍劇及做主持工作不斷，但上年捲入JPEX案風波及被控「在醫院作出擾亂秩序的行為」罪，有指被TVB「召見」兼暫停所有工作，形象插水嘅佢前途未卜！

林穎彤去年獲香港大學專業進修學院（HKU SPACE）取錄，佢仲不時喺IG出Story與網民分享上堂情況，又化身林姑娘拍片教大家食物嘅營養。最近佢喺IG上載一張自己拎住應用營養學及營養補助劑基礎證書嘅照片，並留言宣布修畢課程及預告「衝出亞洲」，疑似為離港發展鋪路話：「失蹤人口來報到！最近真的很忙很忙，飛了幾個地方（稍後和大家分享），回到香港立刻衝回學校，因為證書終於可以領取了，成績優異的林同學表示高興，之後會繼續探討更多有關營養和補充品的方面，其實最近終於衝出亞洲的旅程也是和這方面有關的，待續……」。

早前佢被問到與無綫合約將屈滿，會唔會有新安排時，佢就話暫時冇工作，不過就強調冇被雪藏及冇被cut工作，TVB有安排綜藝工作俾佢，只係自己心態唔同咗，所以想試下其他工作。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！