林芊妤Coffee老公被網民攻擊 IG霸氣回應：如果有任何人想誣蔑他，我會義無反顧的跟你對上

當年因「gathering」事件離開大台嘅林芊妤（Coffee），瑜伽事業發展順利，教瑜伽班、拍教做運動嘅片及推出自家運動衫等等，賺嘅錢真係多過唔少藝人。喺結婚後，Coffee經常喺社交網站分享佢老公同個仔嘅相，一家三口幸福美滿。近日有網友竟然留言攻擊Coffee老公：「袋鼠佬咁窮，savannah都買唔起，女人最怕嫁錯郎。」直指Coffee老公搵唔到錢，Coffee當然力撐老公，更霸氣回應。

Coffee就回應話：「係呀，我同佢一齊同佢結婚，雖然佢唔係香港人無車無樓。但係佢愛我呀，又有穩定職業，唔駛我擔心。我同佢一齊日日只有開心笑，從來無傷心過。同埋愛大過一切呀，我有手有腳鐘意自己賺錢自己洗，而家男女平等，都證明我唔係鐘意靠男人既女人。同埋原來嫁個有錢人就係幸福？嫁俾錢同嫁俾愛情，我選擇愛情因為我有能力自己買麵包，重點我而家幸福到不得了。」

去到今日，Coffee再出PO話：「如果問我最崇拜最尊重最信任的人是誰？那一定是他。是他的真誠他的單純可愛，令我像活在另一個世界一樣，也是他令我重新相信愛情。雖然他不是最有錢的人，但他對這個家付了最大的責任，令我可以毫無顧忌的向前衝。而他的聰明才智，也彌補了我工作時腦袋的不靈光。在我難過失落時，就算我沒說出口發生什麼事，他都會有方法令我開懷。當我每次失控時，他都總有辦法把我冷靜下來，他不像以往的男友永遠寵着我，但他教會了我獨立自主。因為他曾經說過「就算有一天我們不能在一起，也希望你也有獨立的能力」他永遠也很堅持自己的想法，活得比誰都瀟灑自在，從來都不被其他人說話影響。他是最好的爸爸，對著兒子他眼中是滿滿的父愛，能嫁給他是我最大的福氣，讓我再次選擇我還是會選他。因為沒有他就不會有今天的我，他是我最強大的後盾，也是我的心理和生活的調劑師，有了他們我什麼都不怕，所以如果有任何人想誣蔑他，我會義無反顧的跟你對上☺️」

唔少網民都紛紛留言力撐：「唔幸福唔係人地講 點為之幸福亦係自己定義 見到coffee既笑容就知你係真心幸福❤️ So happy for you and your family❤️❤️❤️」、「好感動👍🏻好窩心❤️❤️」、「不要理會妒忌你的人說的話」、「見到你地一家人咁sweet咁温馨都好開心😃，唔洗理其他人冷言冷語，硬係有人見到咩話咩無野搵野講🙄自己生活自己過，開心就好了」及「唔使理d無謂人，佢地只係妒忌別人踩低別人，千其唔好唔開心，比佢地得逞😉加油💪🏻」

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！