果然係外貌協會 波蘭研究：女人太聰明會嚇走男人 除非好靚女

其實兩個人喺埋一齊，係睇夾唔夾，唔係叻唔叻。可能女友讀書方面叻啲，但係男友就喺煮嘢食方面叻啲，根本無話邊個人特別聰明，可唔可以互補長短反而更重要。隨著時間過去，人點都一定會變老，齋睇樣嘅話可以走到最尾咩？

成日話男人揀另一半，鍾意齋睇樣睇身材， 至於內涵呢啲嘢，食得架？唔通男人真係咁膚淺架咩？

為咗驗證呢個說法，波蘭 Warsaw School of Economics就搵咗大約560個大學生，要佢哋參加超過4,000個Speed Dating，每次有4分鐘時間認識彼此，之後就要為個對象嘅外表同智慧評分。

最後發現，無論男仔係靚仔定聰明，都會得到女仔嘅好感。至於男仔就好唔同啦，如果女仔太聰明，反而令男方嘅好感度下降。所以，如果女仔太醒，咁就需要有更高嘅顏值先可以抵消返失去嘅好感，即係要做到「美貌與智慧並重」。

點解會咁？因為喺揀另一半嗰陣，女仔都唔會先排除顏值低嘅男仔，但係男仔就只會側重睇樣。專家就話太聰明女人令男人無安全感，驚自己學識無咁廣，跟唔上個女仔。定係講到尾係你自己太自卑？

可惜因為男人睇樣，兩性專家Pauline Brown就發現到好多叻女大學畢業生，為咗搵男友，只好扮蠢遷就佢哋。

其實兩個人喺埋一齊，係睇夾唔夾，唔係叻唔叻。可能女友讀書方面叻啲，但係男友就喺煮嘢食方面叻啲，根本無話邊個人特別聰明，可唔可以互補長短反而更重要。隨著時間過去，人點都一定會變老，齋睇樣嘅話可以走到最尾咩？