栢天男沖涼戲 劉心悠呻睇唔到

東方日報
·1 分鐘文章
劉心悠笑言很想睇栢天男「全相」。
劉心悠笑言很想睇栢天男「全相」。

劉心悠、蘇志威、郭羨妮及栢天男等,昨日出席ViuTV新劇《冥冥之中》的開鏡儀式。左手包紗布的栢天男自爆早前拍動作場面時,不慎被利刀所傷︰「呢啲犧牲係值得,仲會犧牲色相,有2場沖涼戲,如果大家想睇多啲,可以加戲。」身旁的劉心悠即露出「心心眼」,並大呻:「我睇唔到呀!唔在場,會再同導演申請監場。」

久違「公仔箱」的蘇志威及郭羨妮,2人繼19年前的無綫劇《絕世好爸》再相遇,不過今次零對手戲。郭羨妮多謝監製安排2位型男潘燦良及呂熙相伴,但自爆不想拍親熱戲︰「唔係老公唔准,而係唔想畀囡囡見到,佢唔鍾意我演攬攬錫錫。」蘇志威笑言:「我2個女唔會唔鍾意,仲教番我轉頭添,因為佢哋知係工作。」

郭羨妮與蘇志威雖然拍同一劇集,但沒有對手戲。
郭羨妮與蘇志威雖然拍同一劇集,但沒有對手戲。
蘇志威
蘇志威