梁芷珮白恤衫施誘 老公冇反應

東方日報
·1 分鐘文章
梁芷珮如此造型也惹不起老公遐想,實在暴殄天物。
梁芷珮如此造型也惹不起老公遐想,實在暴殄天物。

梁芷珮前日上載新造型相,見她換上齊蔭髮型,身穿性感開窿白恤衫,大騷「事業線」,拍攝幻想在男友屋企睡醒後,穿着他的白恤衫的戲份。網友讚造型夠新鮮,有點似何雁詩與周汶錡!

昨日她接受記者訪問,笑言多年未曾試過引誘老公:「我哋19歲就開始拍拖,之後結婚生仔,長期都有小朋友喺附近,所以冇引誘過佢,佢見得我最多就係睡衣Look。(佢見到你呢個Look咩反應?)佢對我任何造型都冇感覺,唔知點解,佢超級佛系。佢平時只會睇曲棍球比賽,入波嗰陣先會有反應!」