楊思琦又拍片跳手勢舞短片 網民唔認得佢個樣：搞咩呀你？

2001年香港小姐冠軍楊思琦為咗賺錢養仔女同供樓，近年主力於內地發展，一直努力經營內地社交平台，除咗介紹打卡地道小食之外，佢仲會唱歌跳舞，同內地網民互動一番。近日佢又上載新影片到抖音，今次佢再一次上載手勢舞短片，不過網民似乎唔係好認得片中嘅佢，仲問佢「搞咩呀你？」

染上一頭白金粉紅色頭髮嘅楊思琦，喺片中佢隨著音樂跳手勢舞，網民唔單止留意佢浮誇嘅表情，仲將目光放喺佢嘅臉上，紛紛留言表示唔認得及話佢而家個樣冇之前咁好睇，例如「變化好大 現在的樣子沒之前那麼好看」、「一點不可看，還不如以前」、「阿姨，真年輕」、「吃東西？突然那麼瘦」、「搞咩呀你？搞成咁嘅樣」及「美顏過了」等等。另外，亦有網民指佢欠貴氣及有損港姐嘅名聲，留言：「這個人是不是很缺錢，24小時直播」、「你好歹也是一個港姐出身啊 麻煩你檢討一下 收斂一下 唔好經常怪怪的 影響港姐的明星（名聲）」、「氣質很不好看 沒有貴氣」及「又開始俗了」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！