武漢女疑封關前來港食雞粥 粥店澄清︰有人做假
武漢封城之後,當地領導估計有5百萬人喺禁令前離開,即係有大約半個城嘅人逃出。究竟佢地去咗邊? 有內地女網民發微博,話自己趕及香港禁止武漢人入境前「抵壘」,並且食到最愛嘅雞粥。佢仲提醒同胞入境前食定退燒藥,如果唔係發燒就過唔到關。而呢位女子聲稱自己發緊燒,食完去睇醫生。最後佢仲加咗#逃離武漢……咦,莫非佢係武漢人?原post傳送門 由於呢位疑似武漢女子post咗雞粥店嘅相,
有網民認得係沙田區一間有名粥店。
店方好快就喺facebook澄清,指出「武漢女」張相嘅疑點,包括餐牌同酒水牌、客人穿著夏天服飾、店內樓梯口的椅子已更換成有軟墊椅子等。店家亦強調2003年後,店內每日以漂白水消毒,以保障食客及員工身體與健康。
無論係真闖關食雞粥定係出假post製造恐慌,都係要不得!雞粥店澄清post