歷盡10年女尊男卑 李亞鵬自爆食王菲餸頭餸尾

·1 分鐘文章
歷盡10年女尊男卑 李亞鵬自爆食王菲餸頭餸尾
歷盡10年女尊男卑 李亞鵬自爆食王菲餸頭餸尾

早前有傳內地湖南台召集離婚明星夫妻參加《復合》真人騷,好多網民都話恨睇王菲同「情敵」張栢芝各自偕前夫李亞鵬、謝霆鋒亮相,雖然呢個機會絕對係冇可能,但就有網民翻炒王菲同李亞鵬10年夫妻生活嘅點滴,傳欠債5千萬嘅李亞鵬喺一次訪問中自爆喺同王菲未離婚前,喺屋企佢只係食剩飯,真係好女尊男卑喎。

李亞鵬接受內地電視台節目主持人楊瀾訪問時,佢就話:「她(王菲)飯差一口沒吃完,或嫣兒(女兒李嫣)差一口沒吃完,她說給你爸,就『啪』一聲,剩飯往我碗裏一倒,我就吃了。」不過佢一啲都唔覺得欠衞生或核突,反而仲好滿足咁話:「我覺得挺幸福的。」搞到都喺現場嘅王菲尷尬到笑唔出,但係楊瀾仲明知故問李亞鵬:「你是管剩飯的嗎?」原來李亞鵬係「剩飯王」,又愛妻女又夠惜食,有咗佢,屋企廚房個垃圾桶都可以慳番。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能