《殺人回憶》故事來源 韓國連環殺人犯身份曝光 點解唔告得？

唔少電影故事來自現實生活，尤其是改編自大案嘅偵探片，當你發覺故事唔係虛構，其實幾心寒。   韓國經典犯罪電影《殺人回憶》，同埋電視劇《信號》，都係以80年代中至90年代初嘅連環姦殺案改編，10名年齡分別由13歲至71歲的受害人，只有1個倖存。   1986年，一名70歲婦人由女兒家中回家時遇害，之後多宗案件，女受害人下體被塞入異物，手法相當兇殘。當時韓國警方派出180萬警力徹查案件，但仍然未有線索破案。最後一宗案件於1991年4月發生之後，疑兇仿如銷聲匿跡。

當時有專家估計，兇手突然停手，可能是因為涉及其他案件被捕。   第一宗案件發生三十多年後，調查人員翻查證物，發現受害人衣物上出現第三者的DNA，於是找有關方面化驗，並確認一位因殺人罪正在監獄服刑嘅男子，同事件有關。   呢位姓李疑兇1994年，因為性侵姨仔再將佢殺死，被警方拘捕，法庭判處無期徒刑。不過因為韓國有15年嘅刑事罪公訴期限，即使以最後一宗案件計起，姓李疑兇都未必會被當局起訴。   韓國有傳媒披露，負責調查案件嘅其中一位警員，退休前寫咗一封信，畀當時仲未知身份嘅疑兇，講述查案嘅過程同辛酸，並且以呢句「請你唔好比我早死，我地一定會見面」作結。   終於，韓國警方宣布，呢宗懸案，破案了。原文傳送門1原文傳送門2