【比利時熱血球迷】唔想再撳爆平安鐘

【Now Sports】成日覺得做比利時球迷，就好似打緊麻雀叫緊三飛，但最後就自己出銃輸三番。無他，因為依隊波每屆大賽都人腳頂級出事，最後緊張關頭卻輸大意出局，做球迷真係平安鐘都撳爆。今年比利時正值黃金時代，2018年世界盃勇奪季軍，現時世界排名第1，多名主力步入3字頭正處於高峰，可謂歐國盃封王的最好機會……

為何好像對白似曾相識？年年大賽外界都吹捧比利時，世三夏沙特及助攻王迪布尼領軍，前有新魔獸後有鋼門古圖奧斯，真的媽媽帶隊也能奪冠。結果每次大賽感覺都輸輕敵，上屆被黑馬威爾斯淘汰，3年前世界盃對日本的驚險場面依然記憶猶新。

今屆歐國盃，比利時於外圍賽10戰全勝，但夏沙特傷患纏身於皇馬未能踢出水準，防中韋素於1月中又曾重創，迪布尼又曾在歐聯決賽臉部骨折影響備戰，中堅居然還會選入轉戰日職的華美倫，認真令人擔心。

不過比利時B組對手只是丹麥、芬蘭及俄羅斯，其中外圍賽已曾兩度輕取俄國，在歐國聯也兩勝丹麥，出線相信是沒有問題。希望全隊生生性性，球員有危機性學會過去教訓，真真正正將天份兌現為實力。

撰文：大心臟
睇波睇到撳爆平安鐘，比利時球迷真唔易做

【歐國盃A組】威爾斯VS瑞士
Now TV 618台12/06 21:00直播
Now TV 616台4K直播
Now E 同步直播