江美儀榮升視后後冇劇開 有傳堅持唔做親生女被TVB冷待

現年51歲嘅江美儀從演超過30年，先後效力ATV和TVB，喺今年憑話題劇《下流上車族》飾演車太一角勇奪「最佳女主角」，一嘗視后滋味。不過江美儀喺頒獎禮後，今年暫時只係得劇集《隱形戰隊》出街，同以往出爐視后獲力捧好唔同，暫時未見佢獲安排拍攝劇集，有傳佢因一個原因被TVB冷待。

喺今年年初舉行嘅《萬千星輝頒獎典禮2022》憑《下流上車族》奪得「最佳女主角」殊榮，當時佢喺台上發表感言話：「我冇諗過會攞到獎，以為自己唔係親生女，唔會拎到呢個獎。」之後，佢喺接受訪問時被問到會唔會考慮做「親生女」，不過佢就好似面有難色咁話：「我會叫我經理人同佢傾下，我唔可以放低我經理人，因為咁多年嚟我搵嘅錢又唔係多，佢都冇話嫌棄我啦，一直都陪我，所以我唔可以冇經過佢批准亂咁傾嘢。 」其實自從頒獎禮後，江美儀有份参演嘅劇集，播出嘅只有《隱形戰隊》一套，而暫時未見佢獲安排拍攝劇集，同以往出爐視后獲力捧好唔同，所以有傳佢堅持淨係簽部頭合約，唔做「親生女」而被TVB冷待。

相反，喺《萬千星輝頒獎典禮2022》憑《愛·回家之開心速遞》三太「白天娥」一角奪得「最受歡迎電視女角色」嘅樊奕敏，佢嘅演出機會比江美儀多，除咗有三套待播劇《本尊就位》、《異空感應》及《奪命提示》之外，佢更獲安排喺新劇《神耆小子》做女一。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！