沈殷怡冇人追自嘲「落閘」樣

東方日報
·1 分鐘文章
沈殷怡咁靚女,唔急封盤啦!
沈殷怡咁靚女,唔急封盤啦!

藝人沈殷怡與鄧兆尊,昨日為林曉峰與練美娟主持的節目《調查男女》擔任嘉賓,沈殷怡表示現時單身,自嘲天生「落閘」樣,所以沒有追求者:「啲人以為我個樣多人追,唔使愁,但媽咪好愁。」她自認「宅女」,每日放工就回家,媽咪反而希望她有人約。講到擇偶條件,她說:「我鍾意高高、白白、戴眼鏡同哨牙,書生型!」問到鄧兆尊可符合要求?兆尊即搶答:「佢要搵咁上下年紀先啱。(你應付唔到4個?)時間上唔得。」

至於剛離婚的林曉峰笑言要跟兆尊取經,但指大家喜好不同,不會爭女。對於前妻康子妮出席緋聞男友生日派對,他說:「冇留意,平常心,都塵埃落定,心情唔會有大起伏,依家享受一個人。(想快啲識番個?)唔係比賽。」