波波密語：「性女」密語 唔使鬼祟 鄧月平胸大冇着數 波波願降Cup

《繽FUN星網》又有新節目推出喇！相信大家也見識過「無綫性女」黃婧靈（波波）於節目內發表的大膽言論，加上人仔細細卻擁有36E驕人上圍，不單止「語」出驚人，更是「乳」出驚人！

口才了得的波波今次實行獨挑大樑，單拖主持由泰國地道美食平台After 5 特約節目《波波密語》，並請來多位女星來一場私密Girls Talk，首集就邀得身材比自己更澎湃的「宅男女神」鄧月平，邊歎紅酒邊談心事！

胸部成討論對象

樣靚身材正的鄧月平，當年憑電影《小男人週記》正式踏入娛樂圈，基於上圍相當出眾，每次出現均成為討論目標，不過對於鄧月平來說似乎並不享受：「有冇着數？有好有唔好嘅，我自己好鍾意着一啲好舒服同覺得靚嘅衫，可能比較性感，所以出街會引起途人嘅眼光，其實生活中嘅着數好少，除非你攞個胸嚟姣人，就算大細Size都應該有啲着數。」

雖然胸大的確令人羨慕，但實情胸部太豐滿，某程度亦是一種障礙，若然可以重新選擇，兩女又會點揀呢？鄧月平答得非常保守：「其實我骨架偏細，條腰好瘦，我身形應該係32最啱我，唔會令到我太營養不良，可以Carry到唔同嘅造型。」而向來進擊的波波，今次亦略為收斂，認為快樂勝於一切，故選擇34C最為適合不過。