派錯信去好友屋企 夢夢要同黃婉曼結拜

·1 分鐘文章
黃婉曼把信件交番畀戴夢夢,物歸原主。
黃婉曼把信件交番畀戴夢夢,物歸原主。

世事真係無奇不有,私交甚篤的戴夢夢與黃婉曼(Icy),竟發生派錯差餉信事件!差餉物業估價署早前向住在港島區的夢夢寄出差餉信,但最後竟寄到Icy沙田寓所,Icy指老公拆信時發現英文名寫住夢夢的名字,就連英文地址都是對方的,Icy見狀即找對方,之後特意親身把信件交還,順便敍舊。

夢夢接受本報訪問時說:「呢件事真係好神奇呀,因為大家住唔同區,之後仲要寄去我識嘅朋友嗰度,仲要係好friend喎,最好笑就係Icy老公畀佢睇:『喂,呢個係咪你個朋友呀?』Icy一睇就話個名咁似我,咪WhatsApp我問係咪我,我話係呀,點解封信喺你度嘅,跟住佢話畀我聽件事就係咁,我覺得真係好神奇,郵差叔叔送信純熟,但好似唔係好純熟,我覺得好有緣分,人海茫茫都可以咁,所以我哋本身係好好朋友,依家要結拜o架啦!」至於Icy就以短訊回覆:「在信箱發現,封信是她的地址,就係咁神奇,可能郵差放錯!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能